ئیسپانیاگرنگترین

ئێمباپێ پەیامێک بۆ هاندەرانی ریال مەدرید دەنێرێت

"دەگەڕێمەوە..."

Yariga App

یاریگا –

کیلیان ئێمباپێ پەیامێک بۆ هاندەران دەنێرێت و بەڵێنی گەڕانەوە دەدات.

شەوی رابردوو لە یارییەکی پێشخراوی گەڕی نۆزدەی لالیگا ریال مەدرید لە یاریگای سان مامێس بووە میوانی ئاتلێتیک بیلباو، یارییەکە 2-1 لە بەرژەوەندی یانە باسکییەکە کۆتایی هات.

کیلیان ئێمباپێ جارێکی دیکە نەیتوانی ببێتە فریادڕەسی ریال مەدرید، لەوەش خراپتر، لە خولەکی 68ـی یارییەکە بە لێدانی سزا گۆڵی نەکرد و مەدریدییەکانی زیاتر لەخۆی بێهیوا کرد.

دوای یارییەکە ئەستێرە فەڕەنسییەکە لە ستۆری ئینستاگرام پەیامێکی بڵاوکردووەتەوە، داوای لێبوردن دەکات و بەڵێنی گەڕانەوەش دەدات.

ئەنجامێکی خراپ بوو، هەڵەیەکی گەورەم لە یارییەکی گرنگدا کرد، بەرپرسیارێتی ئەو هەڵەیە لە ئەستۆ دەگرم، لە بارودۆخێکی سەختدام بەڵام باشترین کاتە بۆ گۆڕانکاری و سەلماندنی ئەوەی من کێم!

کیلیان دووەم جارە بەدوای یەک لێدانی سزا لەدەست دەدات، لە یاریی رابردووی یانەکە لە چامپیۆنزلیگ بەرامبەر لیڤەرپوول بەهەمان شێوە بەلێدانی سزا گۆڵی نەکرد.

ئێمباپێ لەم وەرزە 19 یاریی بۆ ریال مەدرید کردووە، 10 گۆڵی کردووە و 2 گۆڵیشی دروستکردووە.

بابەتی زیاتر

Back to top button