لیڤەرپوول گرێبەستی کاپتنەکەی نوێدەکاتەوە
یاریگا –
لیڤەرپوول ئۆفەرێکی فەرمی پێشکەشی ڤیرجیل ڤان دایک کردووە و چاوەڕێی وەڵام دەکات.
تۆڕی ئاتلێتیک بڵاویکردووەتەوە، لیڤەرپوول تەواوی هەوڵەکانی بۆ نوێکردنەوەی گرێبەستی ڤان دایک دەستپێکردووە و دەیەوێت تاوەکو کۆتایی ئەمساڵ، تەواوی وردەکارییەکان یەکلاییبکاتەوە.
🚨 EXCL: Liverpool have made a contract offer to Virgil van Dijk. Opening proposal some time ago – no breakthrough yet on deal value or length but talks continue. Salah offer anticipated soon. #LFC dialogue also ongoing with Alexander-Arnold @TheAthleticFC https://t.co/olKqkHoM4B
— David Ornstein (@David_Ornstein) December 4, 2024
ڤان دایک لەگەڵ ترێنت ئارنۆڵد و محەمەد سەڵاح، بوونەتە بابەتی گەرمی ئێستای لیڤەرپوول، چونکە گرێبەستی هەرسێکیان لە کۆتایی ئەم وەرزە بەسەردەچێت.
هەرچەندە وردەکاری ئۆفەرەکە ئاشکرا نەکراوە، بەڵام لیڤەرپوول دەیەوێت بۆ ماوەی دوو ساڵی دیکە گرێبەستی کاپتنە هۆڵەندییەکە نوێبکاتەوە.
گفتوگۆی نێوان ڤان دایک و لیڤەرپوول پچڕ پچڕ بوو، بەڵام ئارنە سڵۆت، راهێنەری لیڤەرپوول فشاری تەواوی بۆ هێشتنەوەی ڤان دایک دروستکردووە.
لەلایەکی دیکەوە، گفتوگۆکانی نێوان لیڤەرپوول و ترێنت ئارنۆڵد بەردەوامن، بەڵام کەیسی ئەستێرە ئینگلیزییەکە لەگەڵ ڤان دایک جیاوازە، چونکە ریال مەدرید ئامادەکاری تەواوی بۆ گواستنەوەی کردووە.
ڤان دایک لە هاوینی 2018 بەبڕی 84.65 ملیۆن یۆرۆ ساوسامپتنەوە پەیوەندی بە رێز کرد. لە سەرجەم پاڵەوانێتییەکان 288 یاریی بۆ یانەکەی کردووە، 25 گۆڵی کردووە و 13 گۆڵیشی دروستکردووە.
