یاریگا –
لامین یامال بۆ سێیەمجار لەم وەرزە بە پشتەپێی ئەسیستێکی نایابی کرد، دوای بردنەوەکەیان بەرامبەر ریال مایۆرکا باسی ئەسیستەکەی خۆی کرد.
لامین یامال هێرشبەری لاوی بارسێلۆنا کە تازە لە پێکانەکەی چاکبووەتەوە، لە یاریی بەرامبەر ریال مایۆرکا لە خولەکی 74 سێیەم ئەسیستی لەم وەرزە بە پشتەپێی کرد، گۆڵێکی بۆ رافینیا دروستکرد، کە ئەسیستەکە لە گۆڵەکە جوانتر بوو.
هێرشبەرە 17 ساڵانەکە دوای یارییەکە لەبارەی ئەسیستەکەی گوتی :’وابزانم لە پلەیستەیشن بە دوگمەی L2 ئەسیستەکەی من دەکرێت، وابزانم زۆر بە جوانی بە پشتەپێم تۆپ دەنێرم و لەسەر ئەمەش بەردەوام دەبم، زۆر دڵخۆشم بەوەی رافینیا تۆپەکەی کردە گۆڵ، ئێمە زۆر بەباشی لەیەکتری دەگەین’.
هەروەها دەشڵێت :’رافینیا باش تێدەگات کاتێک من دەچمە ئەو ناوچەیە بەمشێوەیە هەڵسوکەوت دەکەم، بۆیە زۆر دڵخۆشم بەو لێکتێگەیشتنەی نێوانمان’.
