یاریگا –
هانزی فلیک، راهێنەری بارسێلۆنا کۆبوونەوەیەکی یەک کاتژمێری بەپەلەی بە یاریزانەکان کردووە.
دوای دۆڕانی بارسێلۆنا بەرامبەر لاس پاڵماس لە لالیگا، فلیک کۆبوونەوەیەکی نائاسایی بە یاریزانان کردووە. رۆژنامەی مارکا بڵاویکردووەتەوە، فلیک لە کۆبوونەوەکەدا ئاستی گشتی یانەکەی هەڵسەنگاندووە و ئەمەش بووە هۆکاری پاشخستنی مەشقەکان بۆ ماوەی یەک کاتژمێر.
لەگەڵ دەستپێکردنی مەشقەکانیش، فلیک بە تەنیا کۆبوونەوەی لەگەڵ رۆبێرت لیڤاندۆڤسکی، هێرشبەری یانەکە کردووە. هێرشبەرە پۆڵەندییەکە لە دوو یاریی رابردووی بەرامبەر ریال سۆسیداد و لاس پاڵماس گۆڵی نەکرد، ئەمەش بووەتە جێی هەڵوەستە بۆ فلیک.
لیڤاندۆڤسکی لەم وەرزەدا 15 گۆڵی لە 15 یاریدا کردووە و یەکێکە لە دیارترین یاریزانانی یانە کاتالوونییەکە، بەڵام شکستهێنانی لە گۆڵکردن و لەدەستدانی هەلی گۆڵکردن، فلیکی نیگەران کردووە.
فلیک پەیامێکی روونی بە یاریزانان گەیاندووە و پێی گووتون، دەبێ هەڵەکان راستبکەنەوە و هیچ هەڵەیەکی دیکە قبووڵ ناکرێت نییە.
بارسێلۆنا بە جیاوازی یەک خاڵ پێشەنگی لالیگا، هەرچەندە ریال مەدرید یارییەکی کەمتر کردووە.
ئەمشەو بارسێلۆنا رووبەڕووی ریال مایۆرکا دەبێتەوە و سەرەتای هەفتەی داهاتووش بەرامبەر ریال بێتیس یاریی دەکات.
