یاریگا –
راپۆرتە رۆژنامەوانیەكان زانیاری نوێیان دەربارەی داهاتووی ئالفۆنسۆ دەیڤز ئەستێرەی كەنەدی یانەی بایرن میونشنی ئەڵمانیان ئاشكرا كرد.
ئالفۆنسۆ لە هاوینی ساڵی 2018 لە ریزەكانی ڤانكوڤەر بە بەهای 14 ملیۆن یۆرۆ پەیوەندی بە بایرن میونشنەوە كرد.
ناوی ئالفۆنسۆ دەیڤز لە لایەن رۆژنامەكانەوە بە پەیوەندیكردن بە ریال مەدریدەوە بەستراوەتەوە.
بە گوێرەی زانیارییەكانی رۆژنامەی ئاس، ئالفۆنسۆ دەیڤز نزیكە لە نوێكردنەوەی گرێبەستەكەی لەگەڵ بایرن میونشن، سەرەڕای دەنگۆكانی بەستنەوەی بە ریال مەدریدەوە.
لە راپۆرتەكەشدا هاتووە، بایرن میونشن لەگەڵ بەڕێوەبەری كارەكانی یاریزانە كەنەدیەكە گەیشتووەتە رێككەوتن بەمەبەستی كەمكردنەوەی مووچەكەی و نوێكردنەوەی گرێبەستەكەی.
دەیڤز لەم وەرزەدا بەشداری 18 یاریی كردووە و توانیویەتی دوو گۆڵ درووست بكات.
