یاریگا –
لە گەڕی پێنجەمی خولی نایابی کوردستان، زۆرترین رێژەی کارتی سوور لەم وەرزە تێیدا بەکار هاتووە.
دوای تەواو بوونی یارییەکانی گەڕی پێنجەمی خولی نایابی کوردستان کە حەفت یاریی تێدا کرا، 18 گۆڵ تۆمار کرا کە شەش گۆڵیان لە گێمی یەکەم و 12 گۆڵیش لە گێمی دووەم تۆمار کران، خێراترین گۆڵی ئەم گەڕە عەبدولرەحمان محەمەد یاریزانی برایەتی لە خولەکی پێننج بەرامبەر پێشمەرگەی هەولێر تۆماریکرد.
سێ گۆڵپارێز توانیان کلین شیت بکەن و گۆڵەکانیان بە خاوێنی هێشتەوە، هەر یەک لە گۆڵپارێزان هەورەمان رزگار لە پیشەسازی و هۆگر عەلی لە زاخۆ و هێمن عەلی لە شێڕوانە پارێزگاریان لە تۆڕی گۆڵی یانەکەیان کرد.
گەورەترین سەرکەوتنی ئەم گەڕە برایەتی بە دەستیهێنا کاتێک توانی بە ئەنجامی 4 _ 2 لە پێشمەرگەی هەولێر بباتەوە، کۆی کارتەکانی ئەم گەڕە 29 کارت بەکارهێنرا لەلایەن ناوبژیوانەکانەوە کە 25 کارتی زەرد و 4 کارتی سوور بوون.
هەریەک لە یانەکانی شێروانە و رزگاری و سەید سادق لەگەڕی پێنجەمی خولی نایابی کوردستان هیچ کارتێکی رەنگاو رەنگیان بەروودا بەرز نەکراوەتەوە و یاریی حاوێنیان بە دەستهێنا.
