ریاڵ مەدرید چۆن وەڵامی ئەهلی سعودی داوەتەوە بۆ گواستنەوەی ڤینیسیۆس؟
یاریگا –
وا دیارە ریاڵ مەدرید بەتەواوەتی لە نیازەکانی سعودیەکان تێگەشتووە بۆ گواستنەوەی ڤینیسیۆس جونیۆر هەر بۆیە بە قورسترین مەرج وەڵامی داونەتەوە.
بەرپرسانی خولی تۆپی پێی ئەو وڵاتەی کەنداو پرۆژەیەکی گەورەیان سەرپێخستووە بۆ کردنە ئامانجی ئەستێرە دیار و ناودارەکانی ئەورووپا بۆ فراوناترکردن و بە جیاهنیکردنی خولەکەیان، بۆ ئەو مەبەستەش پێشتر توانیان کریستیانۆ رۆناڵدۆ، کەریم بنزیمە، نگۆلۆ کانتی، سادیۆ مانێ و چەندین یاریزانی دیکەی ئەوروپا رازی بکەن بۆ یاریکردن لەو وڵاتە و هێشتاش راوی چەندانی دیکە دەکەن. لەوانەی محەمەد سەڵاح، کێڤن دی بروین و، ڤینیسیۆس جونیۆریش لەژێر رادەرەکانیاندایە.
رۆژنامەی مارکای ئیسپانی لە نوێترین راپۆرتیدا ئەوەی ئاشکراکردووە کە یانەی ئەهلی دەیانویست ڤینی بگوازنەوە،بەڵام ریاڵ رێگریکرد لە هەوڵێکی لەو جۆرە.
بەگوێرەی زانیارییەکانی ئەو سەرچاوە ئیسپانییە، شاهانەکان بۆ دوورخستنەوەی دەستی سعودیەکان لە ئەستێرەی یەکەمئ یانەکەیان، داوای بڕی یەک ملیار یۆرۆیان کردبوو. ئەوەش تاکە مەرج بووە کە لە بەرامبەریدا رێگە بە ڕۆشتنی یاریزانە بەڕازیلیەکە بدەن.
🚨 Vinicius Jr is wanted by Al Ahli but Real Madrid have made it clear that they will not let him leave unless a huge sum of €1bn is offered.
(Source: @MARCA) pic.twitter.com/Bjr7vTnSor
— Transfer News Live (@DeadlineDayLive) December 2, 2024
لەسەر ئاستی شیکردنەوە و سەرنجەکانی شەقامی وەرزشی، هاتنەپێشەوەی سعودیەکان لە ڤینیسیۆس بەو دەستەوارە خەیاڵیانەوە کۆ بۆ گواستنەوەی دایاننابوو، رەخنەی زۆر هەبوون کە ئەوە زیاتر پرۆژەیەکی وەبەرهێنان و ئامانجی دارایی بووە وەک لە وەرزشیی.
