یاریگا –
چارەنووسی جود بێڵینگهام بۆ یاریی داهاتووی ریال مەدرید یەکلایی دەبێتەوە.
دوێنێ یەکشەممە کاتژمێر 18:15 بەکاتی هەولێر، لە یارییەکانی گەڕی پازدەی لالیگا ریال مەدرید لە دێربی بچووکی مەدرید میوانداری خێتافی کرد و یارییەکەی 2-0 بردەوە.
لە سەرەتای گێمی دووەم جود بێڵینگهام نەگەڕایەوە یاریگا، لە شوێنی ئەو ئاردا گولەر بەشداری یارییەکەی کرد. ئەمش ترس و دڵەڕاوکێی خستە دڵی مەدریدییەکان.
بەگوێرەی زانیارییەکانی رۆژنامەنووسی تۆڕی ئاتڵێتیک گیلەرمۆ ڕای، بەهۆی بەریەککەوتنی لەگەڵ گۆڵپارێزی خێتافی، بێڵینگهام تووشی سەرگێژخواردن بووە، بۆیە وەک رێکارێکی خۆپارێزی گۆڕانکاری پێکرا.
پاش یارییەکە کارلۆ ئانچێلۆتی پشڕاستیکردەوە بیڵی ئازار بە ملی گەیشتووە، بەڵام پێکانەکەی سووکە و لە ماوەی یەک دوو رۆژدا بەتەواوی چاکدەبێتەوە.
بەگوێرەی زانیارییەکانی رۆژنامەنووسی ئیسپانی ئارانچا رۆدریگێز، بێڵینگهام بۆ یاریی داهاتووی ریال مەدرید بەرامبەر ئاتلێتیک بلباو کە یارییەکی پێشخراوی گەڕی نۆزدەیەمە، ئامادە دەبێت و بەشداریی دەکات.
Bellingham, listo para San Mamés.
— Arancha Rodríguez (@AranchaMOBILE) December 1, 2024
