یاریگا –
ئەمڕۆ کاتژمێر 18:15 بەکاتی هەولێر، لە یارییەکانی گەڕی پازدەی لالیگا ریال مەدرید لە دێربی بچووکی مەدرید میوانداری خێتافی کردووە.
لە گێمی یەکەی یارییەکە ریال مەدرید بە دوو گۆڵی جود بێڵینگهام بە لێدانی سزا و کیلیان ئێمباپێ پێشکەوت و گێمی یەکەم 2-0 لە بەرژەوەندی مەدرید کۆتایی هات.
لە سەرەتای گێمی دووەم جود بێڵینگهام نەگەڕایەوە یاریگا، لە شوێنی ئەو ئاردا گولەر بەشداری یارییەکەی کرد. ئەمش ترس و دڵەڕاوکێی خستە دڵی مەدریدییەکان.
بەگوێرەی زانیارییەکانی رۆژنامەنووسی تۆڕی ئاتڵێتیک گیلەرمۆ ڕای، بەهۆی بەریەککەوتنی لەگەڵ گۆڵپارێزی خێتافی، بێڵینگهام تووشی سەرگێژخواردن بووە بۆیە گۆڕانکاری پێکرا.
🚩 According to the club, Bellingham is very dizzy as a result of the blow with the goalkeeper in the first half. Güler comes on. @TheAthleticFC
— Guillermo Rai (@GuillermoRai_) December 1, 2024
جود بێڵینگهام سێ یارییە بەدوای یەک لە لالیگا گۆڵ دەکات، لە یارییەکەی ئەمڕۆش لەماوەی 38 خولەکدا گۆڵێکی کرد و گۆڵێکیشی بۆ کیلیان ئێمباپێ دروستکرد.
ریال مەدرید بە بردنەوەی ئەم یارییە کۆی خاڵەکانی بۆ 33 خاڵ بەرزدەکاتەوە و جیاوازییەکەی لەگەڵ بارسێلۆنای پێشەنگ بۆ یەک خاڵ کەمدەکاتەوە، یارییەکی دۆخراویشی بەرامبەر ڤاڵێنسیا دەمێنێت.
