یاریگا –
فلۆرێنتینۆ پێریز لەبارەی چارەنووسی ئەنچیلۆتی خۆی یەکلاکردووەتەوە و ‘متمانە و پشتیوانی’ خۆی بۆ راهێنەرە ئیتاڵییەکە دووپاتکردووەتەوە.
رۆژنامەی مارکای ئیسپانی ئاشکرایکردووە، سەرەڕای ئەنجامە خراپەکانی ریال مەدرید لەم وەرزە لە چامپیۆنزلیگ و لالیگا، بەڵام هێشتا فلۆرێنتینۆ پێرێز سەرۆکی یانەی ریال مەدرید متمانەی بە کارلۆ ئەنچیلۆتی راهێنەری یانەکەی و پشتیوانی ئەو راهێنەرە ئیتاڵییە دەکات.
⚪️ Toda la confianza del mundo y un lateral derecho para Ancelotti
🤝 El técnico tiene el respaldo de Florentino Pérez. Sin fisuras
🔜 Además, el fichaje de un lateral derecho, se acerca 💥
✍️ Información de @jfelixdiaz https://t.co/3fvXkRlo4N
— MARCA (@marca) December 1, 2024
رۆژنامە مەدریدییەکە رایگەیاندووە، پێرێز بڕوای وایە یانەکەیان لە دەستێکی دڵنیاکەرەوە دایە و سەرۆکی یانە مەدریدییەکە متمانەی تەواوی بە ئەنچیلۆتی هەیە، بەردەوام سەرۆک و راهێنەری یانەکە لەگەڵ یەکتری لەگفتوگۆدان و لەبارەی زۆری ژمارەی پێکانی یاریزانەکانیان گفتوگۆ دەکەن.
مارکا ئاشکراشیکردووە، ئەوەی ئێستا ئەنچیلۆتی و پێرێز بیری لێ دەکەنەوە، تەنیا خشتەی یارییەکانی یانەکەیانە تاوەکو سەری ساڵ، بیر لەوە دەکەنەوە چۆن بتوانن تاوەکو سەری ساڵ بۆشایی یاریزانە پێکراوەکان پڕ بکەنەوە.
مارکا ئاشکراشیکردووە، ریال مەدرید و چابی ئەلۆنسۆ راهێنەری بایەر لیڤەرکوزنی ئەڵمانی رەتیانکردەوە رێککەوتنێکی پێشوەختەیان هەبێت بۆ ئەوەی وەرزی داهاتوو راهێنەرە ئیسپانییەکە ئەرکی راهێنەرایەتی لۆس بلانکۆس بگرێتە ئەستۆ.
