فەرمی؛ لامپارد دەبێتە راهێنەری یانەیەکی ئینگلیزی
یاریگا –
لامپارد لەگەڵ یانەی کۆڤێنتری سیتی گەیشتە رێککەوتن و گرێبەستەکەی واژۆ کرد.
ماڵپەڕی فەرمی کۆڤێنتری سیتی بڵاویکردووەتەوە، بەشێوەیەکی فەرمی لەگەڵ فڕانک لامپارد گەیشتوونەتە رێککەوتن و راهێنەرە ئینگلیزیەکە پۆستی راهێنەرایەتی یانەکەی وەرگرتووە.
گرێبەستی راهێنەرە تەمەن 46 ساڵانییەکە لەگەڵ یانەکەی چامپیۆنشیپ تاوەکو هاوینی 2027 دەبێت و فڕانک کلیلی سەرەکی پڕۆژەی نوێی یانەکەیە.
We are delighted to announce the appointment of Frank Lampard as Head Coach. ⤵️
— Coventry City (@Coventry_City) November 28, 2024
لامپارد کە 18 مانگە لە راهێنەرایەتی دوورکەوتووەتەوە، دوای دوورخرانەوەی لە راهێنەرایەتی یانەی چێڵسی ئەرکی راهێنەرایەتی هیچ یانەیەکی نەگرتووەتە ئەستۆ، ئەرکی راهێنەرایەتی یانەی کۆڤێنتری سیتی دەگرێتە ئەستۆ کە لە خولی پلەیەکی ئینگلتەرا یاریی دەکات.
لامپارد کە پێشتر راهێنەرایەتی ئێڤەرتن و دێربی کاونتیشی کردووە، لە یاریی داهاتووی کۆڤێنتری بەرامبەر کاردیف سیتی لەسەر هێڵی یاریگا دەوەستێت و راهێنەرایەتی کۆڤێنتری دەکات.
A new chapter in Coventry.
Welcome, Frank. 🩵 pic.twitter.com/YIhy3cRjb9
— Coventry City (@Coventry_City) November 28, 2024
