یاریگا –
کەریم بێنزێما، هانی فێرلان مێندی بەرگریکاری چەپی ریال مەدرید دەدات بۆ ئەوەی پەیوەندی بە ئیتیحادەوە بکات.
لە چەند رۆژی رابردوودا دەنگۆی زۆر لەسەر داوای فێرلان مێندی بۆ زیادکردنی بڕێ گرێبەستەکەی لەگەڵ ریال مەدرید لە کۆتایی ئەم وەرزەدا بڵاو بووەتەوە.
داواکارییەک کە بێگومان دژایەتی بەڕێوەبەرانی ریال مەدریدی لەگەڵدا بوو. لەمبارەیەوە بەرنامەی تەلەفزیۆنی ئێل چیرینگیتۆ بانگەشەی ئەوەی کردووە کە کەریم بێنزێما، ئەستێرەی پێشووی مەدریدییەکان، لەم دواییانەدا پەیوەندی بە مێندییەوە کردووە تاوەکوو رازی بکات پەیوەندی بە تۆپی پێی سعودیە و یانەی ئیتیحاد بکات.
Benzema quiere llevarse a Mendy al Al-Ittihad y el Real Madrid le abre las puertas pic.twitter.com/7XYbHFQ7xJ
— Eduardo Inda (@eduardoinda) November 26, 2024
بەگوێرەی زانیارییەکانی لەم بەرنامەیە باسکرا، بێنزێما لەگەڵ هاونیشتیمانەکەی قسەی کردووە سەبارەت بە یاریی کردنی لە ئیتیحاد و ژیان لە سعودیە تاوەکوو سەرنجی بۆ پەیوەندی کردن بەو خولە رابکێشێت و لە تەنیشت هاونیشتمانییەکانی تری وەک کانتێ و موسا دیابی یاریی بکات.
شایەنی باسە ریال مەدرید لە هاوینی داهاتوودا چاوی لەوەیە ئەلفۆنسۆ دەیڤس بگوازێتەوە و ئەگەر گواستنەوەی ئەستێرە کەنەدیەکەی بایرن میونشن پشتڕاست بکرێتەوە، ئەوا لەگەڵ فێرلان مێندی گرێبەستەکەیان نوێ ناکەنەوە.
لە ساڵی 2019 مێندی دوای درەوشاوەیی بە درێسی لیۆنەوە پەیوەندی بە ریالەوە کرد، لەم پێنج ساڵەشدا 123 جار بە درێسی پاڵەوانی چامپیۆنزلیگ یاریی کردووە و چوار گۆڵیشی کردووە.
