ڤیدیۆ؛ بێڵینگهام بەشێوەیەکی سەیر لەبەردەم ژووری خۆگۆڕینی یاریزانانی لیڤەرپوول دەردەکەوێت

یاریگا –

دوای شکستە سەختەکەی شەوی رابردووی ریال مەدرید بەرامبەر لیڤەرپوول، بێڵینگهام بەشێوەیەکی سەیر دەردەکەوێت.

لە گرتەیەکی ڤیدیۆیی کەناڵی TNT دەردەکەوێت، ئەستێرە ئینگلیزییەکەی ریال مەدرید دوای یارییەکە لەگەڵ دوو یاریزانی ئەکادیمیای یانەکەی لەبەردەم ژووری خۆگۆڕینی یاریزانانی لیڤەرپوول وەستاوە.

لەوکاتەی رایا گراڤنبێرخی هۆڵەندی بە بەردەمیان تێدەپەڕێت، بێڵینگهام داوا لە یاریزانە هۆڵەندییەکە دەکات درێسێکی ئالێکساندەر ئاڕنۆڵدی بۆ وەربگرێت و درێسەکە خۆشی بۆ ئاڕنۆڵد دەنێرێت.

Jude Bellingham was passed Trent Alexander-Arnold’s shirt by Ryan Gravenberch after Real Madrid’s defeat to Liverpool 👀 pic.twitter.com/C5WBKMVYnB

— Football on TNT Sports (@footballontnt) November 27, 2024

ئەوەی زیاتر جێگای سەرنجە ئەوەیە بێڵینگهام و ئاڕنۆڵد دوو هاوڕێی زۆر نزیکن، بەڵام ئاڕنۆڵد خۆی درێسەکە ناهێنێت و بە گراڤنبێرخدا درێسەکە بۆ جودی هاوڕێت دەنێرێت.

ئەمەش رەنگە بەهۆی زیادبوونی دەنگۆی پەیوەندیکردنی بەرگریکارە ئینگلیزییەکە بێت بە ریال مەدرید و نەیویستبێت لە کاتێکی وادا لەگەڵ نزیکترین هاوڕێی مەدریدی دەربکەوێت.

بێڵینگهام پێش یارییەکە چەند لێدوانێکی تووندی دا، ئەگەری هەیە ئالێکساندەر لە لێدوانەکان نیگەران بووبێت، ترسی لە کاردانەوەی هاندەرانی یانەکەشی هەبووبێت، بەخێرایی و دوای ئەو لێدوانانە لەگەڵ جود دەربکەوێتەوە.

دەکرێت چەندین لێکدانەوە دیکەی جیاواز بۆ رووداوەکە بکرێت، بەڵام هێشتا رووداوەکە تەواو نامۆیە، بەگوێرەی ئەوەی هەردوو یاریزانەکە زۆربەی کاتەکانیان بەیەکەوە بەسەردەبەن و دوو هاوڕێی دێرین و نزیکن.