یاریگا –
ریال مەدرید بەهۆی پێکان ئەستێرەیەکی دیکەی لەدەستدەدات.
شەوی رابردوو لە یارییەکانی گەڕی پێنجەمی چامپیۆنزلیگ، ریال مەدرید لە یاریگای ئانفیڵد بووە میوانی لیڤەرپوول و یارییەکەی 2-0 بە یانە ئینگلیزییەکە دۆڕاند.
بەڵام هەر لە یارییەکەدا گورزێکی دیکەی کوشندە بەر مەدریدییەکان کەوت و ئێدواردۆ کاماڤینگای فەڕەنسی لە خولەکی 57 بەهۆی ئازاری ماسولکەی رانی یاریگای جێهیشت و یارییەکەی پێ تەواو نەکرا.
دوای یارییەکە تیبۆ کۆرتوای بەلجیکی و گۆڵپارێزی ریال مەدرید ئاشکرایکرد، کە پێکانەکەی ئێدواردۆ سوک نییە، پێشبینی دەکرێت دوو تاوەکو سێ هەفتە لە یاریکردن داببڕێت.
بەڵام تاوەکو ئێستا بەفەرمی ماوەی دوورکەوتنەوەی یاریزانەکە ئەشکرا نەکراوە، بەمزووانە پشکنینی پزیشکی بۆ دەکرێت بەفەرمی ماوەی دوورکەوتنەوەی ئاشکرا دەکرێت.
کاماڤینگا لە سەرەتای وەرز و بەر لە یاریی جامی سوپەری ئەوروپا لە ئەژنۆی تووشی پێکان بوو، بەو هۆیە دوو مانگی سەرەتای وەرزەکەی لەدەستدا. لەم وەرزە بەشداری نۆ یاریی مەدریدی کردووە و 579 خولەک یاری کردووە و یەک گۆڵیشی دروست کردووە.
