ئه‌مریکابازاڕی گواستنه‌وه
لویس سوارێز گرێبەستەکەی لەگەڵ ئینتەر مەیامی درێژکردەوە
لویس سوارێز ئەمڕۆ وەرزێکی دیکەی خستە سەر گرێبەستەکەی لەگەڵ یانەی ئینتەر مەیامی و تاوەکو مانگی 12ی 2025 دەمێنێتەوە.
گۆڵکارە بە ئەزموونەکە، مانگی 12ی ساڵی رابردوو روویکردە یانەکەی مێسی و ئەمڕۆ دوای تازەکردنەوەی گرێبەستەکەی وتی
من زۆر دڵخۆشم لێرەم و ئێمە وەک یەک خێزانین. پەیوەندییەکی زۆر پتەومان لەگەڵ هاندەرانمان هەیە و هیوادارم بتوانین وەرزی داهاتوو زیاتر دڵییان خۆش بکەین.
سوارێز 30 یاری لە خولی سوپەری ئەمریکی ئەنجامداوە و خاوەنی 21 گۆڵ و 10 ئەسیستە.
هاوکات جگە لە هاوتیمەکانی پێشووی وەک مێسی، بوسکێتس و ئەلبا لەو یانە یەکیگرتووەتەوە، بۆ وەرزی نوێ خافییر ماسکێرانۆ بووەتە راهێنەری یانەکە و ئەگەری نێیمار داسیلڤای بەڕازیلیش لە ئارادایە.
