یاریگا –
لامین یامال نزیکە خەڵاتی گۆڵدن بۆی 2024 بباتەوە کە مانگی داهاتوو لە شاری تۆرینۆ براوەی خەڵاتەکە ئاشکرا دەکرێت.
رۆژنامەی سپۆرتی کەتەلۆنی ئاشکرایکردووە، لامین یامال هێرشبەری لاوی بارسێلۆنا نزیکە خەڵاتی گۆڵدن بۆی ئەمساڵ بەدەست بهێنێت کە رۆژی 16ـی مانگی داهاتوو لە شاری تۆرینۆ لە ئیتاڵیا براوەی خەڵاتەکە ئاشکرا دەکرێت.
رۆژنامەی توتو سپۆرتی ئیتاڵی ساڵانە خەڵاتی گۆڵدن بۆ بە باشترین یاریزانی لاوی جیهان دەبەخشێت کە 50 رۆژنامەنووس لە وڵاتانی ئەوروپا دەنگ بە باشترین یاریزانی لاو دەدەن کە هەر یەکێکیان دەتوانێت لەکۆی 25 بەربژێرەکە دەنگ بە 5 یاریزان بدات.
لامین یامال (17 ساڵان) ئەمساڵ لەگەڵ هەڵبژاردەی ئیسپانیا جامی نەتەوەکانی ئەوروپای بەدەستهێنا و بەربژێری سەرەکییە بۆ خەڵاتی گۆڵدن بۆی کە ساڵی رابردوو جود بێڵینگهام خەڵاتەکەی بەدەستهێنا.
