یاریگا –
یانەی مانچێستەر سیتی لە لیستە کورتکراوەکەیدا کۆتا بژاردەی دیاریکردووە بۆ شوێنگرەوەی رۆدری.
ئەستێرە ئیسپانییەکە لە یارییەکەیان بەرامبەر ئارسیناڵ لە 22ی مانگی سێپتەمبەر بەهۆی پێکانێکی سەختەوە دووچار بە نەشتەرگەریی کرا و وەرزەکەی بۆ بە کۆتا هات. ئەوەش گورزێکی کاریگەربوو کە بەر تیمەکەی پێپ گواردیۆلا کەوت و کاریگەری روونی لەسەر ئەنجامەکانی سیتیزنس هەبووە. هەر بۆیە بۆ شوێنگرەوەی رۆدری، هەرچی زووە دەیانەوێ گواستنەوەیەک ئەنجام بدەن کە پێشتر ناوی چەند یاریزانێکیان ئامادەکردبوو. تێیدا نیکۆلا بارێلای ئینتەر میلان، مارتن زوبیمێندی لە ریاڵ سۆسیدا، ئێدەرسنی ئاتاڵانتا و ئادام واتنی کریستاڵ پاڵاس.
بەگوێرەی نوێترین زانیاریی کە پێگەی فیچاخێسی ئیسپانی بڵاویکردووەتەوە، سیتی لەنێو ئەو بژاردانەدا خۆی بۆ گواستنەوەی وارتن ئامادەکردووە و لە گواستنەوەکانی زستانەدا لەو یاریزانە دەچنەپێشەوە.
وارتنی تەمەن 20 ساڵە، زستانی ئەم ساڵ بە بڕی 22 ملیۆن پاوەند گواسترایەوە یانەی کریستاڵ پاڵاس. ئەم وەرزە لە 10 یاریدا بۆ یانەکەی بەشداریکردووە، بەڵام هیچ گۆڵ و ئەسیستێکی نییە.
