یاریگا –
لیڤەرپوول لە زیاتر لە بەرەیەک لە پێناو بەدەستهێنانی نازناوەکانی ئەم وەرزە دەجەنگێت و پاراستنی یاریزانەکانی لە پێکان، ئاڵنگارییەکی سەرەکی ئارنە سڵۆت، راهێنەری یانەکەیە.
رۆژنامەی تایمز بڵاویکردووەتەوە، کۆستاس سیمیکاس، بەرگریکاری باڵی چەپی لیڤەرپوول لە مەشقەکاندا تووشی پێکانبووە و بۆ ماوەیەک دووردەکەوێتەوە.
Kostas Tsimikas facing short spell on sidelines for Liverpool after injuring ankle in training.
— paul joyce (@_pauljoyce) November 26, 2024
لیڤەرپوول سبەی لە ئانفیڵد لە گەڕی پێنجەمی چامپیۆنزلیگ، میوانداری ریال مەدرید دەکات و هەفتەی داهاتووش لە پرێمەرلیگ، یاریی لووتکە بەرامبەر مانچێستەر سیتی دەکات.
لیستی ئێستای پێکراوەکانی لیڤەرپوول بریتییە لە ئالیسن، دیۆگۆ جۆتا و ترێنت ئالێکساندەر ئارنۆڵد. هەریەکە لە فێدێریکۆ کیێزا و هارڤێی ئیلیەتیش مەشقەکانیان دەستپێکردووەتەوە و ئامادەن بۆ یارییکردن.
