یاریگا –
عادل تەعرابت هێرشبەری پێشووی ئەیسی میلان و تۆتێنهام بۆ یارییەکەی دهۆک لە جامی یانەکانی کەنداو ئامادە نییە و بانگهێشتی یارییەکە نەکراوە.
عادل تاعرابت (35 ساڵان) هێرشبەری مەغریبی پێشووی کوینز پارک رینجەرز و تۆتێنهام هۆتسپێرسی ئینگلیزی و ئەیسی میلانی ئیتاڵی بۆ یارییەکەی دهۆک کە وابڕیارە ئەمشەو کاتژمێر 20:00 لە یاریگای دهۆک بکرێت، لەلایەن ئەلفرێد شرۆدەر راهێنەری هۆڵەندی یانەی نەسڕەوە بانگهێشت نەکراوە.
تاعرابت کە لە یاریی رابردووی یانەکەی لە خولی ئیماراتی بەرامبەر شاریقە بێبەش بوو، بۆ یارییەکەی دهۆک بانگهێشت نەکراوە و یەکێک نییە لەو 24 یاریزانەی لەلایەن راهێنەری نەسڕ دەستنیشانکراون، بەڵام مانۆلۆ گابیادینی هێرشبەری ئیتاڵی پێشووی ساوسامتنی ئینگلیزی و سامپدۆریای ئیتاڵی بانگهێشتی یارییەکە کراوە و لەم یارییە سەرکردایەتی یانە ئیماراتییەکە دەکات.
📰 قائمة العميد المتوجهة اليوم إلى العراق لمواجهة فريق دهوك 💙 pic.twitter.com/F3FkEF8HJm
— AL NASR SC (@ALNasrSC) November 24, 2024
ئەلفرێد شرۆدەر راهێنەری نەسڕ دوێنێ دووشەممە لە یاریگای دهۆک لە کۆنگرەی رۆژنامەوانی پێش یارییەکە لەبارەی بانگهێشت نەکرانی تاعرابت گوتی :’تاعرابت تەندروستی تێکچووە و تەندروستی باش نییە، بۆیە لەم یارییە بانگهێشت نەکراوە.
📰 تصريحات مدربنا ألفريد شرودر قبل مباراة دهوك في بطولة دوري أبطال الخليج للأندية
Our coach Alfred Schreuder’s statements before Duhok match in The Gulf Club Champions League pic.twitter.com/hQDF6Apn2j— AL NASR SC (@ALNasrSC) November 25, 2024
تاعرابت گۆڵکاری ئەم وەرزەی یانەی نەسڕە، لە خولی ئیماراتی 5 گۆڵی کردووە و لە جامی کەنداویش دوو گۆڵی کردووە و بە تۆمارکردنی 7 گۆڵ خاوەنی زۆرترین گۆڵە لەسەر ئاستی یاریزانەکانی یانەکە.
تاعرابت کە درێیس یانەکانی فولهام و جێنەوا و بێنفیکا و لانسی پۆشیوە، 16 یاری بە درێسی ئەیسی میلان کردووە و 4 گۆڵ و 2 ئەسیستی بۆ رۆسۆنێری کردووە.
جگە لە تاعرابت، هەریەکە لە سەمیر میمیشیڤیچ یاریزانی بۆسنی و موسا ندای یاریزانی سێنیگاڵی بۆ یارییەکەی دهۆک بانگهێشت نەکراون و ئامادەی یارییەکەی ئەمشەو نابن.
