یاریگا-
كیلیان ئێمباپێ، ئەستێرەی هەڵبژاردەی فەڕەنسا و یانەی ریال مەدریدی ئیسپانی باس لە پەیوەندی خۆی و ڤینیسیۆس جونیۆر دەكات.
شەوی رابردوو لێگانێس لە یاریگای خۆیدا میوانداری ریال مەدریدی كرد و یارییەكەش لە بەرژەوەندی یانەی میوان بە سێ گۆڵی بێ وەڵام كۆتایی هات. لە میانی یارییەكانی گەڕی 14 لالیگا.
گۆڵەكانی مەدرید لەلایەن كیلیان ئێمباپێ لە خولەكی 43، فێدێریكۆ ڤاڵڤێردی لە خولەكی 66 و جود بێڵینگهام لە خولەكی 85 تۆماركران.
🔥🔥 مبابي يفتتح التسجيل للنادي الملكي بعد تمريرة مميزة من فينيسيوس#الدوري_الإسباني | #ليغانيس_ريال_مدريد#LaLiga pic.twitter.com/KFlR4kZG6K
— beIN SPORTS (@beINSPORTS) November 24, 2024
لە دوای یارییەكە كیلیان ئێمباپێ گوتی:
پەیوەندییەكی زۆر باشم لەگەڵ ڤینیسیۆس هەیە، باشترین یاریزانەكان لە ریال مەدریدن و ئێمەش ئامادەین بۆ بردنەوە، ڤینی یاریزانێكی باشە، یاریزانێكی نایابە، ئێمە ئامادەین بۆ بردنەوەی یارییەكان و نازناوەكان.
لە دوای یەكسان بوونەكەی بارسێلۆنا بەرامبەر سێڵتا ڤیگۆ، ئێمە بۆ بردنەوە هاتین، پێم وایە یارییەكی باشم لە پێگەیەكی جیاوازدا كرد، دەتوانم لە هەر جێگەیەكدا یاری بكەم، تەنیا دەمەوێت یارمەتی تیمەكەم بدەم و ئاستێكی باش پێشكەش بكەم.
ئەوە ماوەتەوە كە بزانین ئەم گۆڕانكارییە كاتی دەبێت یاخود هەمیشەیی، هەروەها سەرم سوڕماوە چونكە كوالێتی یاریزانانی كاستیام نەدەزانی.
ریال مەدرید بە كۆكردنەوەی 30 خاڵ لە ریزبەندی دووەمی لالیگا دێت.
