یاریگا –
پزیشکێکی جوانکاریی سکاڵا لەسەر کریستیانۆ رۆناڵدۆ تۆمار دەکات و دەڵێت هێرشبەرە پۆرتوگاڵییەکە 40 هەزار پاوەند قەرزارییەتی.
رۆژنامەی سەنی بەریتانی ئاشکرایکردووە، دکتۆر رۆشان راڤیندران پزیشکێکی جوانکارییە لە دادگا سکاڵای لەسەر کریستیانۆ رۆناڵدۆ تۆمارکردووە و بەوە تۆمەتباریی دەکات ساڵانی 2021 و 2022 چەندان کاری جوانکاریی بۆ کردووە، بەڵام هێرشبەرە پۆرتوگاڵییەکە 40 هەزار پاوەند حەقدەستی کارەکانی نەداوە.
EXCL: Skin doctor sues Cristiano Ronaldo over ace’s £40k ‘unpaid’ bill https://t.co/tDh2uHEKu7
— The Sun Football ⚽ (@TheSunFootball) November 24, 2024
ئەو دکتۆرەی جوانکاریی دەڵێت، دوو ساڵ لەمەوبەر چەندان کاری جوانکاریی وەکو فیلەر و بۆتۆکس و نەشتەرگەریی جوانکاریی بۆ کریستیانۆ رۆناڵدۆ و ئەندامانی خێزانەکەی کردووە، بەڵام دۆن پارەی جوانکارییەکانی نەداوە.
دکتۆر رۆشان ناوی جۆرجینا رۆدریگێزی نەهێناوە، بەڵام ئاشکرایکردووە جگە لە دۆن ئەندامانی خێزانەکەشی لەلای ئەو کاری جوانکارییان کردووە و پارەیان نەداوە.
کریستیانۆ هێرشبەری یانەی نەسڕی سعوودی ساڵانە لە سعوودیە زیاتر لە 200 ملیۆن یۆرۆ مووچەکەیەتی و سەروەت و سامانەکەی گەیشتووەتە ملیارێک دۆلار.
