یاریگا –
هەڵوێستی لامین یامال یاریزانی بارسێلۆنای سەبارەت بە ئامادەبوونی لە یارییەکەی برێست لە چامپیۆنزلیگ روونکردەوە
بارسێلۆنا خۆی بۆ ڕووبەڕووبوونەوەی برێست، لە چامپیۆنزلیگدا ئاماده ده‌كات كه هیچ یارییه‌كی له خوله‌كه نه‌دۆراندووه، رۆژی سێشەممە کاتژمێر 11:00ی شەو به‌رامبه‌ر یه‌كتر یاریی ده‌كه‌ن.
بارسێلۆنا له دوو یاریی رابردووی به‌بێ یاماڵ نه‌یتوانی بردنه‌وه تۆماربكات به‌رامبه‌ر ریال سۆسیداد دۆرا و له‌گه‌ڵ سێلتاڤیگۆش یه‌كسانبوو.
رۆژنامەی سپۆرتی کەتەلۆنی رایگه‌یاندووه، فلیک نایەوێت مه‌ترسی له‌سه‌ر یاریزانه‌كه دروست بكات و په‌له بكات له گه‌ڕانه‌وه‌ی یاریزانه ئیسپانیه‌كه، ئه‌مه‌ش بۆ ئەوەی دۆخی پێكانه‌كه‌ی خراپتر نەبێت، چونکە كاری له پێشینه‌ی راهێنه‌ره ئه‌ڵمانیه‌كه ئاماده‌بوونی یاماڵه بۆ تەواوی وەرزەکە.
رۆژنامه ئیسپانیه‌كه ئاماژه‌ی به‌وه‌شكردووی، چاره‌نووسی یامال به‌ته‌واوی یەکلایی نەبووەتەوە، ئەگەر یاریزانەکە لە لیستی یاریزانه‌كانیش بێت، نایه‌وێت له پێكهاته‌ی سه‌ره‌كی تیپه‌كه‌ی بێت، شەممەی داهاتوو لە خولی ئیسپانیا بەرامبەر لاس پاڵماس به‌ته‌واوی ئامادە ده‌بێت.
بارسێلۆنا پێشه‌نگی خولی ئیسپانی گرتووه خاوه‌نی 34 خاڵه و له كۆی 14 یاریی 11 بردنه‌وه و 1 یه‌كسانبوون و 2 دۆرانی هه‌یه.
