ماکس ڤێرستاپن بۆ چوارەم ساڵ لەسەریەک بووە پاڵەوانی جیهان
یاریگا –
ماکس ڤێرستاپن شوفێری بەناوبانگی هۆڵەندی دوو قۆناخ پێش کۆتایی هاتنی ئەم وەرزە نازناوەکەی مسۆگەرکرد و بۆ چوارەم ساڵ لەسەریەک بووە پاڵەوانی فۆرمۆلا1 لە جیهان.
ماکس ڤێرستاپن شوفێری تیمی ریدبول لە خەڵاتی گەورەی لاس ڤێگاس بەپێش لاندۆ نۆریس کەوتەوە و دوو قۆناخ پێش کۆتایی هاتنی پێشبڕکێیەکانی ئەم وەرزە، پلەی یەکەمی مسۆگەرکرد و بۆ چوارەم ساڵ لەسەریەک دەبێتە پاڵەوانی جیهان.
Max Verstappen, you are a 🏆🏆🏆🏆 four-time World Champion! 👑✨#LasVegasGP #F1 pic.twitter.com/HjGqtmOyRF
— F1 Las Vegas (@F1LasVegas) November 24, 2024
گەرچی ڤێرستاپن لە خەڵاتی گەورەی لاس ڤێگاس پلەی پێنجەمی بەدەستهێنا و جۆرج راسێل شوفێری بەریتانی پلەی یەکەمی بەدەستهێنا، بەڵام شوفێرە هۆڵەندییەکە پێشکەوتنی لەگەڵ لاندۆ نۆریس مسۆگەرکرد و پاڵەوانبوونی بۆ چوارەم ساڵ لەسەریەک یەکلابووەوە.
شوفێرە 27 ساڵانەکە لە پێشەنگی شوفێرانی فۆرمولا 1 بە کۆکردنەوەی 403 خاڵ بە جیاوازیی 63 خاڵ لەپێشەوەی لاندۆ نۆریس شوفێری ماکلارێن دێت، کە ئەو شوفێرە بەریتانییە بە کۆکردنەوەی 340 خاڵ پلەی دووەمی گرتووە.
MAX VERSTAPPEN IS THE 2024 F1 WORLD CHAMPION! 🏆
A brilliant fourth title in-a-row! Incredible!!!#F1 #LasVegasGP pic.twitter.com/kiBpPmV86H
— Formula 1 (@F1) November 24, 2024
