حەکیم زیاش بەشێوەیەکی نامۆ هەلێگی ئاسان دەفەوتێنێت

یاریگا –

فەوتاندنی هەلێکی ئاسانی گۆڵکردن لەلایەن حەکیم زیاشەوە بووەتە بابەتی میدیا و پێگە وەرزشییەکان کاردانەوەی لێکەوتووەتەوە.

زیاش دوای ساڵێک بەخواستن یاریکردن بۆ یانە تورکیەکە، هاوینی رابردوو بەیەکجاری لە چێڵسیەوە روویکردە گالاتاسەرای.

لە یارییەکەی ئەمشەودا بەرامبەر بۆدروم لە خولی ئەو وڵاتە هەلێکی ئاسانی گۆڵکردنی بۆ رەخسێنرا لەلایەن ڤیکتۆر ئۆسیمینەوە، بەڵام بەشێوەیەکی نامۆ تۆپەکەی ئاراستەی سەرەوەی خانەوەی گۆڵ کرد.

ڤیدیۆی دیمەنەکە:

https://twitter.com/CFC_Janty/status/1860377735987659174

https://twitter.com/CFC_Janty/status/1860377735987659174

رەخنەکان بەتایبەت دوای ئەو دەستپێکە نەرێنیەی ئەستێرەکە مەغریبیەکە دێت لەم وەرزە کە تا ئێستا لە 8 یاریدا تەنها ئەسێستێکی هەیە بەبێ گۆڵ.

گالاتاسەرای پێشەنگ توانی بە گۆڵێکی بێ وەڵام یارییەکە بباتەوە و جیاوازییەکە لەگەڵ فەنەرباچێی رکابەری بکاتەوە بە 5 خاڵ.