پاریس سانجێرمان گرێبەستی ئەستێرەیەک نوێدەکاتەوە
یاریگا –
پاریس سانجێرمان گرێبەستی ئەشرەف حەکیمی نوێدەکاتەوە.
رۆژنامەی لی کیپی فەڕەنسی بڵاویکردووەتەوە، پاریس سانجێرمان لەگەڵ ئەشرەف حەکیمی گەیشتووەتە رێککەوتن و گرێبەستی بەرگریکارە مەغریبییەکەی تاوەکو هاوینی 2029 نوێکردووەتەوە.
لویس ئێنریکێی ئیسپانی و راهێنەری یانەکە رۆڵێکی باڵای لە نوێکرانەوەی گرێبەستەکەی حەکمی هەبووە و یاریزانەکەی بە مانەوەی لە پاریس رازی کردووە.
Achraf Hakimi a prolongé jusqu’en 2029 avec le PSG https://t.co/3vMoFZ1KPe
— MPGLaurent (@MPGLaurent) November 21, 2024
ئەستێرە مەغریبییەکە لە هاوینی 2021 بەبڕی 68 ملیۆن یۆرۆ لە ئینتەر میلانی ئیتاڵییەوە پەیوەندی بە یانە فەڕەنسییەکە کردووە.
بە درێسی سانجێرمان لە سەرجەم پاڵەوانێتییەکاندا بەشداری 133 یاریی کردووە، 16 گۆڵی بۆ یانەکەی کردووە و 22 گۆڵیشی دروست کردووە.
سێ نازناوی خولی فەڕەنسا، یەک نازناوی جامی فەڕەنسا و دوو نازناوی جامی سوپەری فەڕەنسای لەگەڵ یانە فەڕەنسییەکە بەدەستهێناوە.
یاریزانە تەمەن 26 ساڵانییەکە لە ئەکادیمیای ریال مەدرید پێگەیشتووە، لە 2018 تاوەکو 2020 بەشێوەی خواستن یاریی بۆ بۆڕووسیا دۆرتموند کردووە، لە هاوینی 2020 بەبڕی 43 ملیۆن یۆرۆ لە یانە مەدریدییەکەوە پەیوەندی بە ئینتەر میلان کرد.
