یاریگا –
بارسێلۆنا ترسی هەیە بەهۆی یاسای دارایی خاوێنی لالیگا، لە قۆناخی دووەمی ئەم وەرزە سەرەڕطای واژۆکردنی گرێبەستە گرانبەهایەکەی کۆمپانیای نایکی دوو یاریزانی گرنگی لەدەست بدات.
رۆژنامەی موندۆ دیپۆرتیڤۆی کەتەلۆنی ئاشکرایکردووە، سەرەڕای ئەوەی بارسێلۆنا گرێبەستێکی بە بڕی 1.7 ملیار یۆرۆ لەگەڵ کۆمپانیای نایکی واژۆ کردووە، بەڵام هێشتا بلاوگرانا ناتوانێت لە نیوەی دووەمی ئەم وەرزە بە هاوکێشەی “1:1” ناوی هەریەکە لە دانی ئۆلمپ و پاو ڤیکتۆر تۆمار بکات.
رۆژنامە کەتەلۆنییەکە راشیگەیاندووە، بارسێلۆنا بەهۆی ئەوەی هێشتا نەیتوانیوە بگەڕێتەوە سەر هاوکێشەی “1:1″، بۆیە ناوی دانی ئۆلمۆی لەجیاتی ئاندریاس کریستیێنسن نووسیوە کە ئەو بەرگریکارە دانیمارکییە تووشی پێکانێکی قورس بووە.
هێشتا خوان لاپۆرتا سەرۆکی یانەی بارسێلۆنا لە هەوڵدایە بۆ ئەوەی بتوانێت یانەکە بگەڕێتەوە سەر هاوکێشەی “1:1” تا بتوانێت ناوی دوو یاریزانە نوێیەکەی تۆمار بکات بۆ قۆناخی دووەمی لالیگا، کە بەهۆی یاسای دارایی خاوێن هێشتا هاوسەنگییەک لە نێوان خەرجی و داهاتەکانی بارسادا نییە.
