یاریگا –
بەشێوەیەیکی چاوەڕواننەکراو سەرچاوە جیاوازەکان زانیارییان بڵاوکردەوە کە تاتا مارتینۆ لە ئینتەر مەیامی دەڕوات.
راهێنەرە ئەرجەنتینیەکە کە لە هاوینی 2023 ئەرکەکەی لەو یانە ئەمریکیە گرتەدەست، یانەکەی بەشێوەیەکی شۆکهێنەر هەر لە گەڕی یەکەمی پلەی ئۆفی جامی ئەمریکا کرایەدەرەوە.
فابریزۆ رۆمانۆی رۆژنامەنووسی ئیتاڵیش هەواڵەکەی بڵاویکردەوەتەوە و رایگەیاندووە کە وەرزی داهاتوو مارتینۆ راهێنەری تیمەکەی لیۆنێل مێسی و هاوڕێکانی نابێت.
ماڵپەڕی فیچاخێسی ئیسپانیش ئاشکرای کردووە کە هۆکاری رۆشتنەکەی بابەتێکی کەسییە.
ئەوە لەکاتێکدایە مەیامی لەژیر سەرپەرشتی ئەو راهێنەرەدا دوو نازناوی بردووەتەوە کە پێشتر یانەکە بەخۆوە نەبینیبوو. ئێستاش دوای 34 هەفتە پێشەنگی خولی ئەمریکین لە کۆمەڵەی رۆژئاوا.
