یاریگا –
ئەمڕۆ لە یارییەكی دیكەی چارەنوسسازدا هەڵبژاردەی عێراق دەبێتە میوانی هەڵبژاردەی عومان، لە میانی پاڵاوتنەكانی كیشوەری ئاسیا بۆ گەیشتن بە یارییەكانی جامی جیهانی.
وا بڕیارە ئەمڕۆ سێشەممە كاتژمێر 19:00 بە كاتی كوردستان هەڵبژاردەی عومان لە یاریگای خۆی میوانداری هەڵبژاردەی عێراق بكات، لە میانی پاڵاوتنەكانی كیشوەری ئاسیا بۆ گەیشتن بە جامی جیهانی 2026.
پڕۆفایلی یاری
لە یاری رابردوو عێراق لە نێو یاریگای خۆیدا میوانداری ئوردنی كرد و یارییەكەش بە بێ گۆڵ یەكسان بوو.
هەڵبژاردەی عێراق لە پاڵاوتنەكانی كۆتایی جامی جیهانی كیشوەری ئاسیادا پێنج یاری كردووە، لە دوو یاریی بەرامبەر عومان و فەڵەستین براوە بووە و لە دوو یاریی بەرامبەر كوێت و ئوردن یەكسان بووە و یارییەكیش بەرامبەر كۆریای باشوور دۆڕاوە.
بە كۆكردنەوەی هەشت خاڵ لە ریزبەندی سێیەمی كۆمەڵەی دووەم دێت.
هەلبژاردەی عومانیش لە كۆی پێنج یاری لە دوو یاری براوە بووە و سێ یاریش دۆڕاوە.
بە كۆكردنەوەی شەش خاڵ لە ریزبەندی چوارەمی كۆمەڵەی دووەم دێن.
#يلا_لكاس_العالم pic.twitter.com/uH12LkqTtG
— IRAQ F.A. (@IRAQFA) September 1, 2024
هەواڵی پێكانی یاریزانەكان
لە عێراق مستەفا سەعدون بەهۆی كەڵەكەبوونی كارتە زەردەكانییەوە ناتوانێت بەشداری بكات.
هەروەها جەلال حەسەن بەهۆی پێكانەوە و بەشداریكردنی عەلی جاسمیش گومانی لەسەرە.
لە عومان هەریەك لە سەڵاح یەحیا، عەلی بوسەعیدی، ئەمجەد حارسی و یەزید مەعشنی ناتوانن بەشداری بكەن.
پێکهاتەی پێشبینیکراوی عێراق
جەلال حەسەن
مێرخاس دۆسكی، رێبین سولاقا ، مەناف یونس، حوسێن عەلی
ئەمیر عەماری،ئەمجەد عەتوان
یوسف ئەمین، عەلی جاسم، ئیبراهیم بایش
ئەیمەن حوسێن
پێکهاتەی پێشبینیکراوی عومان
موخاینی
كەعبی، موسەلەمی، خەمیسی، شەمووسی
موشەفری، عەبدولغەفار، ساعدی، ئەحمەدی
رەواحی، قاسمی
