مانچێستەر یونایتد هێرشبەرێكی 100 ملیۆنی دەوێت
یاریگا –
راپۆرتە رۆژنامەوانیەكان ئاشكرایانكرد، یانەی مانچێستەر یونایتدی ئینگلیزی دەیەوێت گرێبەست لەگەڵ ڤیكتۆر یۆكێرێش ئەستێرەی سویدی یانەی سپۆرتینگ لسبۆن واژۆ بكات.
یۆكێرێش لە هاوینی ساڵی 2023 لە ریزەكانی كۆڤێنتری سیتیەوە بە بەهای 24 ملیۆن یۆرۆ پەیوەندی بە سپۆرتینگ لسبۆنەوە كرد.
گرێبەستەكەی یۆكێرێش لەگەڵ یانە پۆرتوگالیەكە لە هاوینی ساڵی 2028 بەسەردەچێت.
بەهۆی ئەو ئاستە بەرزەی ئەم وەرزە پێشكەشی دەكات، یۆكێرێش سەرنجی زۆرێک لە یانە زلهێزەكانی ئەوروپای بۆ خۆی راكێشاوە، لە نێویاندا بارسێلۆنا و مانچێستەر یونایتد.
🚨 Manchester United are ready to trigger Viktor Gyökeres’ release clause of €100m to get a deal over the line.
(Source: @DiarioAS) pic.twitter.com/bdxeg6SPVS
— Transfer News Live (@DeadlineDayLive) November 18, 2024
بە گوێرەی زانیارییەكانی رۆژنامەی ئاس، مانچێستەر یونایتد گرنگی تەواو بە گواستنەوەی ڤیكتۆر یۆكێرێش ئەستێرەی سویدی بۆ ریزەكانی یانەكەی دەدات.
هەمان سەرچاوە ئاشكرایكردووە، مانچێستەر یونایتد ئامادەیە لە گواستنەوەكانی هاوینەی داهاتوودا بڕی هەڵوەشاندنەوەی گرێبەستەكەی یۆكێرێش كە بەهاكەی 100 ملیۆن یۆرۆیە بدات.
لەدوای هەڵبژاردنی روبن ئامۆریم وەك راهێنەری نوێی شەیتانە سوورەكان زۆربەی سەرچاوەكان باس لە گواستنەوەی هێرشبەرە سویدیەكەش دەكەن.
