یانەکانی پرێمەرلیگ کێبڕکێیانە لەسەر گواستنەوەی پۆلیسیچ

یاریگا –

هەڵکشانی ئاستی کریستیان پۆلیسیچ لە ئیتاڵیا وای لە یانەکانی پرێمەرلیگ کردووە هەوڵی بەدەستهێنانی تواناکانی بدەن و بیگەڕێننەوە بۆ خولی ئینگلیزی.

ئەستێرە ئەمریکیەکە ئەزموونی یاریکردنی لە ئینگلتەرا هەیە و لە ماوەی ساڵانی 2019-2023 درێسی چێڵسی دەپۆشی و ماوەیەکیش بەخواستن نێردرایە ریزەکانی برووسیا دۆرتمۆند.

پاشان بارگەی بۆ ئەیسی میلان پێچایەوە و ئێستا لەگەڵ رۆسۆنێری ئاستێکی بەرز پێشکەشدەکات.

بەگوێرەی زانیارییەکانی کاڵچۆ میرکاتۆ، یانەکانی لیڤەرپوول، مانچێستەر یونایتد و وێستهام بەجارێک کەوتوونەتە کێبڕکێوە بۆ گواستنەوەی پۆلیسیچ.

ئەستێرە 26 ساڵانەکە تایبەتمەندیەکی باشی هەیە کە دەتوانێ لە هەردوو پێگەی باڵ و ناوەڕاستکاری هێرشبەریی یاریی بکات.

لەم وەرزە تا ئێستا 15 جار بەشداریکردووە لەسەرجەم پاڵەوانێتیەکان، توانیویەتی 7 گۆڵ و 4 ئەسێست بکات.