نێیمار دەگەڕێتەوە بۆ خولی وڵاتەکەی
یاریگا –
گەشتە ئەورووپی و ئاسیاییەکەی نێیمار دا سیلڤا کۆتایی هات و دوای 11 ساڵ دەگەڕێتەوە بۆ خولی بەڕازیلی.
نێیمار لە ساڵی 2013 لە سانتۆسەوە پەیوەندی بە بارسێلۆناوەکرد و لە یانە کەتەلۆنییەکە بە سەرجەم نازناوە ناوخۆیی و کیشوەرییەکان گەشت. پاشان لە ساڵی 2017 بە گرێبەستێکی ریکۆردشێن (222 ملیۆن یۆرۆ) بارسای بەرەو پاریس بەجێهێشت و تا 2023 لەگەڵ یانە فەڕەنسیەکە مایەوە پێش ئەوەی هاوینی ئەو ساڵە رووبکاتە هیلالی سعودی.
نێیمار لەگەڵ هیلال بەگوێرەی چاوەڕوانییەکان دەرنەکەوت و پێکانی درێژخایەن بۆ نۆ مانگ لە یاریگاکانی دابڕاند و دوای گەڕانەوەشی، هەر هەفتەی یەکەمی ئەم مانگەدا جارێکیتر پێکانێکی شەش هەفتەیی بەرۆکی گرتەوە کە ئیتر وادیارە ئەوە کۆتا وێستگەشی دەبێت لەگەڵ ئەو یانەیە.
بەگوێرەی نوێترین زانیاریی کە سیزار لویس مێرلۆ رۆژنامەنووسی دیاری کیشوەری ئەمریکای باشوور بڵاویکردووەتەوە، ئەستێرە بەڕازیلیکە دەگەڕێتەوە بۆ سانتۆسی یانەی منداڵیی و لە ئێستاشدا گەشتوونەتە رێککەوتن.
مێرلۆ ئاشکراشیکردووە کە ئێستا گفتوگۆی نێوان هیلال و نێیمار بەردەوامە بۆ هەڵوەشاندنەوەی گرێبەستەکەی.
🚨Neymar, listo para volver a Santos.
*️⃣El club donde debutó ya tiene un acuerdo con el futbolista, de 32 años.
*️⃣Se trabaja en la rescisión del Al Hilal y la idea es anunciarlo una vez que termine el torneo que marcó el regreso del Peixe a la máxima categoría de 🇧🇷. ⏳ pic.twitter.com/LQjDhP2bza— César Luis Merlo (@CLMerlo) November 17, 2024
بڵاوبوونەوەی ئەم هەواڵە لەکاتێکدایە هەر ئەمڕۆ سەرۆکی یانەی پاڵمیراس رەتیکردەوە نێیمار بگوازنەوە بۆ ریزەکانیان و بە توانج وەڵامی ئەو دەنگۆیانەی دایەوە.
سەرۆکی پالمێراس لەبارەی گواستنەوەی نێیمار: ئێمە یانەمان هەیە نەوەک نەخۆشخانە
