یاریگا –
كریستیانۆ رۆناڵدۆ، ئەفسانەی پۆرتوگالی یانەی نەسری سعودی باس لە وەرگرتنی پۆستی راهێنەرایەتیكردنی یانەی مانچێستەر یونایتد لەلایەن روبن ئامۆریمی هاونیشتیمانی دەكات.
شەوی رابردوو پۆرتوگال لە یاریگای خۆیدا میوانداری پۆڵەندای كرد و یارییەكەش بە ئەنجامی پێنج گۆڵ بەرامبەر گۆڵێك كۆتایی هات، لە میانی یارییەكانی نەیشنزلیگ.
لەو یارییەدا كریستیانۆ توانی دوو گۆڵ بۆ هەڵبژاردەكەی بكات.
Invictos a caminho dos quartos! 💪🏼 pic.twitter.com/qBz58DCXew
— Cristiano Ronaldo (@Cristiano) November 15, 2024
لە دوای یارییەكە لە وەڵامی پرسیاری هەڵبژاردنی ئامۆریم وەك راهینەری نوێی مانچێستەر یونایتد، كریستیانۆ رۆناڵدۆ گوتی:
هیوای سەركەوتنی بۆ دەخوازم، ئەوە شتێكە كە مانچێستەر یونایتد پێوویستی پێیەتی.
لە ماوەی رابردوودا ئێریك تێن هاخ لە پۆستی راهێنەرایەتیكردنی شەیتانە سوورەكان دوورخرایەوە و رود ڤان نێستێلرۆی بە شێوەی كاتی جێگای گرتەوە.
ئیدارەی مانچێستەر یونایتد روبن ئامۆریم راهێنەری سپۆرتینگ لشبۆنەی وەك راهێنەری نوێی یانەكەی دەستنیشانكرد.
