یاریگا –
رۆما بەفەرمی دەستنیشانکردنی کلاودیۆ رانیێری وەکو راهێنەری نوێێ یانەکەی راگەیاند.
یانەی رۆمای ئیتاڵی رایگەیاندووە، کلاودیۆ رانیێری (73 ساڵان) تاوەکو کۆتایی ئەم وەرزە ئەرکی راهێنەرایەتی جیالۆڕۆسی دەگرێتە ئەستۆ، لەکاتێکدا وەرزی رابردوو دوای ئەوەی کالیاری لە سێریا ئەی هێشتەوە، بڕیاریدابوو بەیەکجاریی لە کاری راهێنەرایەتی دووربکەوێتەوە و خانەنشین بێت.
Claudio Ranieri è il nuovo Responsabile Tecnico della Prima Squadra
Bentornato a casa, mister! 💛❤️
📄 https://t.co/dOS0CM9tnn#ASRoma pic.twitter.com/vVl3sn3tcU
— AS Roma (@OfficialASRoma) November 14, 2024
رانیێری کە پێشتر ساڵی 1973/1974 لە ریزی یانەی رۆما یاریی کردووە، سێیەمجارە ئەرکی راهێنەرایەتی رۆما دەگرێتە ئەستۆ، کە پێشتر راهێنەرایەتی واتفۆرد، فولهام، لێستەر سیتی، چێڵسی، یوڤێنتوس، ناپۆلی، ئینتەر میلان، مۆناکۆی کردووە.
رانیێری تاوەکو هاوینی 2025 گرێبەستی لەگەڵ رۆما واژۆ کردووە و شوێنی ئیڤان یوریچ راهێنەری جیالۆڕۆسی دەگرێتەوە، دواتریش دەبێتە راوێژکاری وەرزشی یانەکە.
