یاریگا –
سێرجیۆ رامۆس، ئەستێرەی هەڵبژاردەی ئیسپانیا و كاپتنی پێشووتری ریال مەدرید دووبارە تواناكانی خۆی پێشكەشی ئەو یانەیە كردەوە.
سێرجیۆ رامۆس لە هاوینی ساڵی 2005 لە ریزەكانی سێڤییاوە بە بەهای 27 ملیۆن یۆرۆ پەیوەندی بە ریال مەدریدەوە كرد، بۆ ماوەی شازدە ساڵ لەو یانەیە لە یاریكردن بەردەوام بوو، لە هاوینی ساڵی 2021 دوای بەسەرچوونی گرێبەستەكەی پەیوەندی بە پاریس سانجێرمانەوە كرد، دواتر گەڕایەوە سێڤییا و ئێستا یاریزانەكە ئازادە و گرێبەستی لەگەڵ هیچ یانەیەك نییە.
ریال مەدرید بەهۆی پێكانی یاریزانەكانی هێڵێ بەرگریەوە دەناڵێنێت و هەریەك لە لوكاس ڤازكێز، ئیدێر میلیتاو، دانی كارڤاخال، دەیڤد ئالابا پێكانیان هەیە.
❌ “RAMOS se ha OFRECIDO al MADRID y le han dicho que NO”.
🗞️ La EXCLUSIVA de @JuanfeSanzPerez, en la portada de @elchiringuitotv.
La presenta @gorkagrn. pic.twitter.com/cuPpDx6QPd
— El Chiringuito TV (@elchiringuitotv) November 14, 2024
بە گوێرەی زانیارییەكانی بەرنامەی ئێل چێرینگویتۆی ئیسپانی، سێرجیۆ رامۆس تواناكانی خۆی پێشكەشی ریال مەدرید كردووە، بەڵام فلۆرینتینۆ پێرێز و خۆسێ ئانخێل سانچێز بە نەخێر وەڵامیان داوەتەوە.
ئاماژە بەوەشكراوە، ئیدارەی ریال مەدرید بەتەواوی گەڕانەوەی سێرجیۆ رامۆس بۆ ریزەكانی یانەكەیان رەتدەكەنەوە.
ئەوەشخراوەتە روو، فلۆرینتینۆ پێرێز پەیوەندی بە رامۆسەوە كردووە و پێی گوتووە، كە ئەو بەشێك نییە لە پلانەكانیان و گرێبەستی پێشكەش ناكەن.
رامۆس لەگەڵ ریال مەدرید بەشداری لە 671 یاریدا كردووە، 101گۆڵی كردووە و40 گۆڵیشی درووست كردووە.
