یاریگا –
ئەمڕۆ لە یاریەكی لووتكە و چارەنوسسازدا هەڵبژاردەی عێراق لە پاڵاوتنەكانی گەیشتن بە جامی جیهانی میوانداری ئوردن دەكات.
وا بڕیارە ئەمڕۆ كاتژمێر 19:15 بە كاتی كوردستان عێراق لە یاریگای شاری بەسرەی وەرزشی میوانداری ئوردن بكات، لە میانی یارییەكانی گەڕی پێنجەمی پاڵاوتنەكانی جامی جیهانی كیشوەری ئاسیا.
پڕۆفایلی یاری:
هەڵبژاردەی عێراق لە پاڵاوتنەكانی كۆتایی جامی جیهانی كیشوەری ئاسیادا چوار یاری كردووە، لە دوو یاریی بەرامبەر عومان و فەڵەستین براوە بووە و لە یارییەك بەرامبەر كوێت یەكسان بووە و یارییەكیش بەرامبەر كۆریای باشوور دۆڕاوە.
بە كۆكردنەوەی حەوت خاڵ لە ریزبەندی سێیەمی كۆمەڵەی دووەم دێت.
لە بەرامبەردا ئوردن بە هەمان شێوەی عێراق لە چوار یاریدا دوو یاری براوە بووە، یارییەك دۆڕاوە و یارییەكیش یەكسان بووە.
بە كۆكردنەوەی حەوت خاڵ لە ریزبەندی دووەمی كۆمەڵەكە دێت.
هەواڵی پێكانی یاریزانەكان
لە عێراق تەنیا زیدان ئیقبال پێكانی هەیە و ناتوانێت بۆ رووبەرووبوونەوەی ئوردن ئامادە بێت.
لە بەرامبەردا ئوردن هیچ پێكانێكی نییە و بە تەواوی پێكهاتەكەیانەوە ئامادەن.
پێکهاتەی پێشبینیکراوی عێراق
جەلال حەسەن
مێرخاس دۆسكی، رێبین سولاقا ، مەناف یونس، حوسێن عەلی
ئەمیر عەماری،ئەمجەد عەتوان
یوسف ئەمین، عەلی جاسم، ئیبراهیم بایش
ئەیمەن حوسێن
پێکهاتەی پێشبینیکراوی ئوردن
یەزید عەبدوڵا
حوسام عەلی، یەزەن عەرەب، عەبدوڵا نەسیب
محەمەد ئەبو حەشیشە، نور رەوابیدە، نزار رەشدان، ئیحسان حەداد
مەحمود مەردی، عەلی عەلوان، موسا تەعەموری
