یاریگا –
سەرۆکی نوێی یەکێتی تۆپی پێی بەلجیکا لەم دواییانەدا گەشتی بۆ مەدرید کرد تاوەکوو لەگەڵ تیبۆ کۆرتوا سەبارەت بە پرسی بەشداری نەکردنی لە یارییەکانی هەڵبژاردەکەیان کۆ ببێتەوە.
بە گوێڕەی هەوالێکی پێگەی ئاس گۆڵپارێزەکەی ریال مەدرید جارێکی دیکە جەختی لەوە کردەوە کە تا تێدێسکۆ راهێنەری هەڵبژاردەی بەرازیل بێت پەیوەندی بە هەڵبژاردەوە ناکاتەوە.
چیرۆکی کۆرتوا و هەڵبژاردەی بەلجیکا بەردەوامە و هیچ نیشانەیەکی گۆڕانکاری لە ئارادا نییە، بەڵام لانیکەم بەلجیکا هەنگاوێک لە گۆڵپارێزەکەی ریال مەدرید نزیکتر بووەتەوە. لە چەند رۆژی رابردوودا پیتەر ویلمس بەڕێوەبەری نوێی یەکێتی تۆپی پێ بەلجیکا لە پایتەختی ئیسپانیا بوو و لەگەڵ کۆرتوا کۆبووەوە. کۆبوونەوەکە دەرفەتێک بوو بۆ یەکتر ناسین و بۆچوونەکانی تیبۆ، چونکە گۆڕانکاری نوێ لە باڵاترین دامەزراوەی تۆپی پێی بەلجیکا روودەدات.
کۆرتوا لە دوای 17ی حوزەیرانی 2023ەوە کە یارییەکانی پاڵاوتنی یۆرۆ بوون یاری بۆ هەڵبژاردەی وڵاتەکەی نەکردووە. پاشان توشی پێکانێکی سەختی ئەژنۆی بوو و نزیکەی وەرزێک لە یاریگاکان دوورکەوتەوە، بەڵام کۆرتوا لە کاتی خۆیدا گەڕایەوە ریال مەدرید و پێش کۆتایی هاتنی وەرزەکە نازناوی چامپیۆنزلیگی بەدەستبهێنا، ئەمەش مشتومڕێکی زۆری لە بەلجیکا سەبارەت بە ئەگەری گەڕانەوەی دروستکرد .
Peter Willems, le nouveau CEO de l’Union belge, aurait repris des discussions avec Thibaut Courtois !🧤🇧🇪
Une réunion entre le CEO, Thibaut et son père aurait eu lieu à Madrid. Thierry Courtois pousserait beaucoup pour un retour de son fils en sélection.
(@lesoir 🥈) pic.twitter.com/TQBRF6ZQYk
— Joueurs Belges 🇧🇪 (@JoueursBE) November 13, 2024
راهێنەری هەڵبژاردەی بەلجیکا، دۆمێنیکۆ تێدێسکۆ، گەورەترین هۆکاری دوورکەوتنەوەی کۆرتوایە لە هەڵبژاردەکە لە دوای چاکبوونەوەی، کۆرتوای خستە دەرەوەی لیستی یۆرۆ. گۆڵپارێزەکەی ریال مەدریدیش پێش و دوای ئەوە هەڵوێستی خۆی بە روونی ئاشکرا کرد: تا ئەم راهێنەرە لەسەر کورسی یەدەگ بێت، ناگەڕێمەوە.
کۆرتوا جارێکی تر ئەمەی بە سەرۆکی نوێێ فیراسیۆن راگەیاند. بەڵام ئەم دیدارە بە شێوەیەکی ئەرێنی هەڵسەنگێندراوە و لانیکەم لە رووی رای گشتییەوە بە هەنگاوێک بۆ پێشەوە دادەنرێت بۆ گەڕاندنەوەی باشترین گۆڵپارێز لە مێژووی بەلجیکادا.
