بایرن میونشن گرێبەستە چاوەڕوانكراوەكەی ریال مەدرید بۆ خۆی دەبات
یاریگا –
راپۆرتە رۆژنامەوانیەكان ئاشكرایانكرد، یانەی بایرن میونشنی ئەڵمانی دەیەوێت گرێبەست لەگەڵ جۆناسان تا ئەستێرەی ئەڵمانی یانەی بایەر لیڤەركوزن واژۆ بكات.
جۆناسان تا لە هاوینی ساڵی 2015 لە هامبۆرگەوە بە بەهای 9 ملیۆن یۆرۆ پەیوەندی بە ریزەكانی بایەر لیڤەركوزنەوە كرد و گرێبەستەكەی لەگەڵ یانەكەی لە ساڵی 2025 بەسەردەچێت.
🚨🔴 Max Eberl still aims to sign Jonathan #Tah in the upcoming summer.
FC Bayern continue to have a good chance of securing his commitment, as confirmed recently by his agent, Pini Zahavi.
Regarding salary and contract duration, there are no issues, as Bayern had already… pic.twitter.com/wn3ZLebTvT
— Florian Plettenberg (@Plettigoal) November 12, 2024
بە گوێرەی زانیارییەكانی سكای سپۆرت، ماكس ئێبرل بەڕێوەبەری وەرزشی یانەی بایرن میونشنی ئەڵمانی ئامانجی ئەوەیە لە لە گواستنەوەكانی هاوینی داهاتوودا گرێبەست لەگەڵ جۆناسان تا واژۆ بكات.
ئاماژە بەوەشكراوە، بە گوێرەی لێدوانەكانی بریكاری كارەكانی یاریزانەكە بایرن میونشن چانسی زیاترە بۆ ئەوەی گرێبەست لەگەڵ جۆناسان تا واژۆ بكات.
لە كۆتاییشدا ئەوە خراوەتە روو، دەربارەی موچە و گرێبەستەكە هیچ كێشە و بەربەستێك نییە، هاوینی رابردوو بایرن میونشن و یاریزانەكە گەیشتنە رێككەوتن، تاوەكو ئێستا جۆناسان تا هیچ بڕیارێكی نەداوە، چەندین بژاردەی لەبەردەمدایە و رەنگە لە گواستنەوەكانی زستانەدە پەیوەندی بە ریال مەدریدەوە بكات.
لەم وەرزەدا جۆناسان تا بەشداری لە 17 یاریدا كردووە و توانیویەتی گۆڵێك بكات.
