یاریگا –
یاریی نێوان بێشیکتاش و ماکابی تێل ئەڤیڤ لە یۆرۆپالیگ لە ئیستانبوڵ ناکرێت.
یەکێتیی تۆپی پێی ئەوروپا بڵاویکردووەتەوە، 28ی ئەم مانگە، یاریی نێوان بێشیکتاش و ماکابی لە هەنگاریا بەڕێوەدەچێت.
دەبووایە یارییەکە لە یاریگای بێشیکتاش لە ئیستانبوڵ بکرێت، بەڵام حکومەتی تورکیا داوای گواستنەوەی یارییەکەی بۆ یاریگایەکی دەرەوەی تورکیا کرد. بۆیە یارییەکە لە یاریگای ناگیێردێی لە شاری دێبرێچین بەڕێوەدەچێت.
جیا لەمەش، لەسەر داوای حکومەتی هەنگاریا، یارییەکە بەبێ هاندەر دەکرێت، تاوەکو مەترسییەکانی دروستبوونی گرژی کەم بکەنەوە.
پێنجشەممەی رابردوو، لە دوای یاریی نێوان ماکابی و ئەیاکس لە یۆرۆپالیگ، گرژی و ئاڵۆزی دروستبوو و لانی کەم، پێنج کەس برینداربوون.
