یاریگا –
هەڵبژاردەی بەلجیکا بەر لە یاریی بەرامبەر ئیتاڵیا، چوار یاریزانی تووشی پێکان بوون و کەمپی مەشقییان جێهێشت.
چارلێس دی کێتێلار، جێرێمی دۆکو، مالیک فۆفانا و خواکین سێیس تووشی پێکان بوون و هەریەکە لە ساموێڵ ئێمبانگولا، ئارسەر ڤێرمێرن، ئالبێرت سامبی لۆکۆنگا و کیلیان ساردێلا شوێنەکانیان پڕکردەوە.
بەلجیکا لە نەیشنزلیگ بەرامبەر هەڵبژاردەکانی ئیتاڵیا و ئیسڕائیل یاریی دەکات.
هەڵبژاردەکەی کێڤن دی بڕۆین لە پلەی سێیەمی کۆمەڵەی دووەمدا دێت، بە جیاوازی شەش خاڵ لەگەڵ ئیتاڵیای پێشەنگ و پێنج خاڵیش لەگەڵ فەڕەنسای خاوەن پلەی دووەم.
بەلجیکا دەبێ دوو یاریی داهاتووی بباتەوە و ئەنجامی یارییەکانی دیکەش لە بەرژەوەندی ئەودا بن، ئینجا دەگاتە قۆناخی داهاتوو.
