یاریگا –
یانەی لیڤەرپوولی ئینگلیزی شوێنگرەوەی ڤێرجیڵ ڤان دایک كاپتن و ئەستێرەی یانەكەی دیاری دەكات.
ڤان دایک لە زستانی ساڵی 2017 لە ریزەكانی ساوسامتن بە بەهای 84 ملیۆن یۆرۆ پەیوەندی بە لیڤەرپوولەوە كرد و گرێبەستەكەی لەگەڵ ئەو یانەیە لە هاوینی ساڵی 2025 بەسەردەچێت.
🚨 Liverpool have identified Nottingham Forest’s Murillo as a target this summer.
(Source: @CaughtOffside) pic.twitter.com/G0511MWH6h
— Transfer News Live (@DeadlineDayLive) November 11, 2024
بە گوێرەی زانیارییەكانی caughtoffside لیڤەرپوول دەیەوێت گرێبەست لەگەڵ یاریزانێكی دڵی بەرگری واژۆ بكات، بە بێ ئاوڕدانەوە لەوەی ڤان دایك لە هاویندا یانەكە جێدەهێڵێت یاخود نا.
ئاماژە بەوەشكراوە، فێلیپێ مورییوو بەرگریكاری بەڕازیلی یانەی نۆتینگهام فۆرێستی ئینگلیزی وەک ئامانجێكی سەرەكی لیڤەرپوول لە بازاڕی گواستنەوەی هاوینەی یاریزاناندا دادەنرێت.
ئەوەشخراوەتە روو، نۆتینگهام بۆ دەستبەرداربوون لە یاریزانە بەڕازیلییەكەی داوای 60 ملیۆن یۆرۆ دەكات.
فێلیپێ مورییوو، گرێبەستەكەی لەگەڵ نۆتینگهام لە هاوینی ساڵی 2027 بەسەردەچێت.
