یاریگا –
بەهۆی پەتای پێکانەوە ئەنچیلۆتی تەنیا 7 یاریزانی بۆ ماوەتەوە راهێنانیان پێبکات، سبەی راهێنەرەکەی ریال مەدرید تەنیا حەفت یاریزانی تیپی یەکەمی لە بەر دەست دەبێت.
رۆژنامەی مارکای ئیسپانی ئاشکرایکردووە، سبەی سێشەممە تەنیا حەفت یاریزانی ریال مەدرید لە ڤالدێبێباس دەبن، بۆ ئەوەی کارلۆ ئەنچیلۆتی راهێنانیان پێبکات، حەفت یاریزان تووشی پێکان بوون و حەفت یاریزانی دیکەش بۆ هەڵبژاردەکانیان بانگهێشتکراون.
هەریەکە لە تیبۆ کۆرتوا، داڤید ئالابا، ئیدێر میلیتاو، دانی کارڤاخال، ئۆریلیەن چوامێنی، لوکاس ڤازکێز و رۆدریگۆ پێکانیان هەیە و لە ژووری پزیشکی یانەکەن، ئەنتۆنیۆ رۆدیگەر، ئاردا گولەر، فێدریکۆ ڤالڤێردی، ئێدواردۆ کاماڤینگا، ڤینیسیۆس جونیۆر، لو مۆدریچ و جود بێڵینگهام بانگهێشتی هەڵبژاردەکانیان کراون و بۆ ماوەی 10 رۆژ پەیوەندی بە کەمپی مەشق و راهێنانی هەڵبژاردەکانیان دەکەن.
ئەمڕۆ ریال مەدرید پێکانی دوو یاریزانی دیکەی راگەیاند و ساڵی 2024 بۆ رۆدریگۆ و ڤازکێز کۆتایی هات، بەگوێرەی زانیارییەکانی بەرنامەی ئێلچێرێنجیتۆی ئیسپانی ئەنچیلۆتی بڕیاریداوە پشت بە یاریزانانی تیپی کاستیا ببەستێت و بانگهێشتی یاریزانانی تیپی دووەمی یانەکەی دەکات، بۆ ئەوەی شوێنی یاریزانە پێکراوەکان بگرنەوە.
