یاریگا –
بارزان شێرزاد ریمۆنتادای بۆ ناسریە کرد و پێشمەرگەی سلێمانیش جارێکی تر نەیبردەوە.
لە گەڕی چوارەمی خولی نایابی عێراق، ناسریە لە ژێر سەرپەرشتی راهێنەری کورد رەوەند عەبدولخالق یەکەم سەرکەوتنی بەدەستهێنا، بارزان شێرزاد ئەستێرەی یارییەکە بوو کاتێک یانەکەی بە گۆڵێک لە دواوە بوو بارزان توانی دوو گۆڵ تۆمار بکات و سێ خاڵ پێشکەشی ناسریە بکات.
لە یارییەکی تردا لە بەغدا جارێکی تر پێشمەرگەی سلێمانی نەیبردەوە و ئەمجارەیان بەرامبەر سناعات کارەبایی بەبێ گۆڵ یەکسان بوو، بریاریشە سبەی دووشەممە ( 11ـی نۆڤێمبەری 2024 ) غازی باکوور لە یاریگای ئاکرێ رووبەرووی موسڵ ببێتەوە.
ناسریە شەش خاڵی هەیە و بەشێوەیەکی کاتی هاتە ریزبەندی چوارەم، پێشمەرگەی سلێمانیش بە چوار خاڵ لە ریزبەندی 14ـەم دێت، غازی باکوور کە دوو یاریی کەمتری کردووە لە دوو یاریی چوار خاڵی هەیە و لە ریزبەندی 12ـەمی خولی نایابی عێراق دێت.
