یاریگا –
ئاست بەرزی محەمەد سەڵاح، وای لە لیڤەرپوول کردووە، بیر لە دەستبەرداربوون لە تواناکانی نەکات.
ئیسماعیل مەحموود، رۆژنامەنووسی نزیک لە هەڵبژاردەی میسڕ بڵاویکردووەتەوە، مانەوەی محەمەد سەڵاح لە لیڤەرپوول لە کاتی پشووی نێودەوڵەتیدا، دەرفەتێکە بۆ دەستپێکردنی گفتوگۆکان.
I’ve been told that Mohamed Salah staying at Liverpool during the international break will be very important for the club to begin serious contract renewal negotiations. Been told too that Liverpool knows Salah is asking for a new two-year contract. pic.twitter.com/owqNyMMTCc
— Ismael Mahmoud – إسماعيل محمود (@ismaeelmahmoudd) November 10, 2024
میسڕ گەیشتووەتە جامی نەتەوەکانی ئەفریقای 2025 و حوسام حەسەن، راهێنەری فەرعۆنەکان، سەڵاحی بانگهێشتی یارییەکانی بەرامبەر کەیپ ڤێردی بۆتسوانا نەکردووە.
ئەستێرەی 32 ساڵان، ئاستێکی نموونەیی لەم وەرزەدا پێشکەش دەکات و شەوی رابردوو، گۆڵێک و ئەسیستێکی لە بەرامبەر ئاستۆن ڤیلا کرد.
پێشتر گۆڤاری لیڤەرپوول ئێکۆ بڵاویکردبووەوە، سەڵاح دەیەوێت لە لیڤەرپوول بمێنێتەوە، بەڵام چاوی لە جێبەجێکردنی مەرجەکانییەتی.
بە گوێرەی زانیارییەکانی رۆژنامەنووسە میسڕییەکە بێت، لیڤەرپوول بڕیاریداوە گفتوگۆی جیدی لەگەڵ سەڵاح دەستپێبکات.
خاوەنی لیڤەرپوول باش لەوە گەیشتووە، محەمەد سەڵاح دەیەوێت گرێبەستەکەی بۆ ماوەی دوو ساڵ نوێبکرێتەوە نەک ساڵێک و مووچەکەشی دەستکاری نەکرێت، یاخود لانی کەم زیادبکرێت.
