خەریکە ئاڵفۆنسۆ دەیڤز لە چنگی ریال مەدرید دەردەهێندرێت

یاریگا –

بارسێلۆنا دەیەوێت لە ریال مەدرید بسووڕێتەوە و گرێبەست لەگەڵ ئاڵفۆنسۆ دەیڤز، بەرگریکاری بایرن میونشن واژۆ بکات.

تاوەکو ئێستا دەیڤز گرێبەستەکەی لەگەڵ میونشن نوێنەکردووەتەوە و گرێبەستەکەی لە کۆتایی ئەم وەرزە بەسەردەچێت. داواکارییەکانی دەیڤز بەرزن و میونشن ئامادەنییە بچێتە ژێرباری داواکارییەکانی.

ئەستێرە کەنەدییەکە داوای مووچە و پاداشتی ساڵانەی 15 ملیۆن یۆرۆ دەکات، میونشنیش پێی گوتووە، ناتوانێت ئەم بڕە پارەیە دابین بکات.

رۆژنامەی بیڵد بڵاویکردووەتەوە، ریال مەدرید لە کێبڕکێیەکەدا ماوە، بەڵام بارسێلۆنا سوورتر دەردەکەوێت و دەیەوێت پێش ریال مەدرید ئاڵفۆنسۆ رازی بکات.

هانزی فلیک، راهێنەری بارسێلۆنا رۆڵ لەم هاوکێشەیەدا دەگێڕێت، چونکە لە ساڵی 2020، کاتێک میونشن بووە پاڵەوانی چامپیۆنزلیگ، راهێنەری دەیڤز بوو.

دەیڤز بە دۆخێکی نائاسایی داراییدا تێدەپەڕێت، بۆیە چنگکەوتنی یاریزانێکی بێ بەرامبەری وەکو دەیڤز، دەبێتە دەرفەتێکی گەورە لە بەردەم یانە کاتالونییەکە، تاوەکو بەبێ خەرجکردنی پارەیەکی زۆر، ببێتە خاوەن ئەستێرەی وەکو دەیڤز.

جیا لە ریال مەدرید و بارسێلۆنا، مانچێستەر یونایتدیش لە نێو بازنەی کێبڕکێیەکاندایە، بەڵام ئەگەرەکانی چوونی بۆ ئیسپانیا زیاترن.