سڵۆت باسی پێکانەکەی ئارنۆڵد دەکات

یاریگا –

ئارنە سڵۆت، راهێنەری لیڤەرپوول رایگەیاند، پێناچێت ترێنت ئالێکساندەر ئارنۆلد یاریی بۆ هەڵبژاردەی ئینگلتەرا لە نەیشنزلیگ بکات.

ئارنۆڵد لە یاریی شەوی رابردووی لیڤەرپوول بەرامبەر ئاستۆن ڤیلا 2-0 تووشی پێکان بوو و نەیتوانی یارییەکە تەواو بکات، کۆنۆر بڕادلی شوێنیگرتەوە.

تیمی پزیشکی لیڤەرپوول، خەریکی پشکنین و هەڵسەنگاندنی دۆخی ئەستێرە ئینگلیزییەکەن، سڵۆت لەدوای یارییەکە گوتی

سورپرایز نابم ئەگەر ئارنۆلد بەشداری یارییەکانی هەڵبژاردەی ئینگلتەرا لە بەرامبەر یۆنان و ئایرلاند نەکات.

سڵۆت باسی وردەکاری پێکانەکەی نەکرد، بەڵام داوای چاوەڕێکردنی راپۆرتی پزیشکی کرد

کاتێک یاریزانێک نەتوانی یاریی تەواو بکات، ئەوا شتێکی جیدی روویداوە، ئەو بەهۆی ماندووبوونەوە داوای گۆڕانکاری نەکرد، بەڵکو هەستی بە شتێک کرد و ئەمەش ئاماژەیەکی باش نییە.

ئارنۆڵد بەشداری لە تەواوی یارییەکانی ئەم وەرزەی لیڤەرپوولی لە پرێمەرلیگ و چامپیۆنزلیگ کردووە.

رێدز بە بردنەوەی یارییەکەی شەوی رابردوو، بە جیاوازی پێنج خاڵ چووە پێشەنگایەتی پرێمەرلیگ.