یاریگا –
یۆری تێلیمانس سەرەڕای دوورخستنەوەی لە یارییەکانی هەڵبژاردەی بەلجیکا لە نەیشنزلیگ، کەچی بڕیارە بەشداری یاریی ئەمشەوی ئاستۆن ڤیلا بەرامبەر لیڤەرپوول بکات.
تێلیمانس پێکانی ئەژنۆی هەیە و بە هەماهەنگی لە نێوان ئاستۆن ڤیلا و هەڵبژاردەی بەلجیکا، یاریزانەکە بانگهێشتی یارییەکانی نەیشنزلیگ نەکراوە.
یاریزانی تەمەن 27 ساڵان، یەکێکە لە یاریزانە سەرەکییەکانی پێکهاتەی یونای ئێمری و لە یاریی لووتکەی ئەمشەودا، پێویستی پێیەتی.
تێلیمانس بەشداری لە 14 یاریی ئاستۆن ڤیلای لەم وەرزەدا کردووە، بەڵام بانگهێشتی هەڵبژاردەی بەلجیکا نەکراوە، یونای ئێمری بەر لە یارییەکە دووپاتیکردەوە، یوری یەکێکە لە یاریزانە سەرەکییەکانی تیمەکەی.
