یاریگا –
ئەمڕۆ ریال مەدرید لە ناو یاریگای خۆیدا دوای دوو دۆڕانە سەختەكەی دوو یاریی رابردووی هەوڵی ئاشتكردنەوەی هاندەرانی دەدات.
وا بڕیارە ئەمڕۆ كاتژمێر 16:00 بە كاتی كوردستان ریال مەدرید لە یاریگای خۆیدا میوانداری ئۆساسونا بكات، لە میانی یارییەكانی هەفتەی سیازدەیەمی لالیگای ئیسپانیا.
پڕۆفایلی یاری
ریال مەدرید ئامانجی ئەوەیە بە بردنەوە لە ئۆساسونا لە دوو دۆڕانی رابردوو بەرامبەر بارسێلۆنا و ئەیسی میلان رزگاری ببێت، كاتێك لە یاریگای خۆیدا بەرامبەر بارسێلۆنا بە چوار گۆڵی بێ وەڵام شكستیهێنا و بەرامبەر ئەیسی میلانیش بە سێ گۆڵ بەرامبەر گۆڵێك.
ریال مەدرید لەم وەرزەی لالیگادا یازدە یاری كردووە و توانیویەتی 7 یاری بباتەوە لە سێ یاری یەكسان بووە و یارییەكیش دۆڕاوە.
بە كۆكردنەوەی 24 خاڵ و بە جیاوازی 9 خاڵ لە دوای بارسێلۆنای پێشەنگەوەیە.
لە بەرامبەردا ئۆساسونا لەم وەرزەدا لە كۆی 12 یاری شەش یاری بردووەتەوە سێ یاری یەكسان بووە و سێ یاریش دۆڕاوە.
بە كۆكردنەوەی 21 خاڵ لە ریزبەندی پێنجەم دێت.
هەواڵی پێكانی یاریزانەكان
لە كۆتا یاری مەدریددا ئۆرێلیەن چوامینی تووشی پێكان بوو بەهۆیەوە ماوەی مانگێك لە یاریگاكان دووردەكەوێتەوە.
جیا لە چوامینی هەریەك لە دانی كارڤاخال، دەیڤد ئالابا و تیبۆ كۆرتوا ناتوانن ئامادە بن.
لە بەرامبەردا ئۆساسونا بە تەواوی یاریزانەكانیەوە بۆ رووبەڕووبوونەوەی ریال مەدرید ئامادەیە و هیچ پێكانێكیان نییە.
پێکهاتەی پێشبینیکراوی ریال مەدرید
لونین
مێندی، رودیگەر، میلیتاو، ڤازكوێز
ڤاڵڤێردی، كاماڤینگا، بێڵینگهام
ڤینیسیۆس، ئێمباپێ، رۆدریگۆ
پێکهاتەی پێشبینیکراوی ئۆساسونا
هێرێرا
ئارێسۆ، كاتێنا، بۆیۆمۆس، كروز
مۆنكایۆلا، تۆرۆ، ئوروز
پێنا، بودیمیر، زاراگۆزا
