یاریگا –
گۆڤاری فرانس فوتبۆڵ کە هەڵدەستێ بە پێدانی خەڵاتی باڵۆن دۆر بۆ باشترین یاریزانی جیهان، ژمارەی خاڵەکانی کۆتا وەشانی بڵاوکردەوە.
28ی مانگی رابردوو یەکێک بوو لە رووداوە پر مشتومڕەکانی ئەم ساڵ کە تێیدا بەشێوەیەکی زۆر کتوپڕ ناوی رۆدری هێنرایە پێشەوە و ڤینیسیۆس جونیۆر لە کۆتا خولەکەکاندا بێهیواکرا لە بردنەوەی تۆپە ئاڵتوونیەکە.
ئەو رووداوە چەند رۆژێک و ئێستاشی لەگەڵ بێت قسە و کاردانەوە و رەخنەی زۆری لێکەوتەوە. یانەی ریاڵ مەدرید دەستبەجێ هەڵوێستی خۆیان راگەیاند و بەشداریی بۆنەکەیان نەکرد بەوەی کە زوڵم لە ئەستێرەکەیان کراوە.
بەگوێرەی بڵاوکراوە نوێیەکەی فرانس فوتبۆڵ، دەردەکەوێ جیاوازیی نێوان رۆردی مان سیتی و ڤینیسیۆس تەنها 41 خاڵ بووە.
بەجۆرێک ناوەڕاستکارە ئیسپانییەکە 1,170 خاڵی پێدراوە لە بەرامبەر 1,129 خاڵ بۆ رکابەرە بەڕازیلیەکەی.
لەدوای ئەوانیش جود بێڵینگهام دێت بە کۆکردنەوەی 917 خاڵ.
Voici le classement de la 1er place à la 10ème
Il y a que 41 points qui sépare Rodri à Vinícius 😳 pic.twitter.com/C92eJPLUsi
— ⚽️MEDIAFOOT⚽️ (@Mediafoot10) November 8, 2024
