یاریگا –
موسعەب جەمال لە ماوەی 24 کاتژمێر لە خولی نایابی کوردستان و خولی ئەستێرەکانی عێراق یاریی بۆ دوو یانەی جیاواز کرد و لە هەردوو یارییەکە سەرکەوتنی بەدەستهێنا.
موسعەب جەمال هێرشبەری یانەی کەرخ، دوێنێ چوارشەممە لە گەڕی حەفتەمی خولی ئەستێرەکانی عێراق لە یاریی بەرامبەر کەربەلا سەرەکی بوو، 73 خولەک بەشداریی لەو یارییەدا کرد و 2-1 بردنەوەیان بەدەستهێنا، ئەمڕۆ سەرلەبەریانی لە بەغداوە گەشتی کەلاری کرد بۆ ئەوەی یاریی بۆ شێروانە بکات.
ئەمڕۆ پێنجشەممە لە خولی نایابی کوردستان لەگەڵ شێروانە لە گەڕی یەکەمی خولی نایابی کوردستان 2-1 لە هەندرێنیان بردەوە، کە موسعەب لەو یارییە سەرەکی بوو لە خولەکی 92 گۆڵی سەرکەوتنی بۆ یانەکەی کەلار کرد.
