یاریگا –
شازادە عەبدوڵا بن مساعدی سعودی نزیکە لە فرۆشتنی یانەی شیفیڵد یونایتد.
پەیوەندی نێوان شازادە سعودیەکە و شیفیڵد دەگەڕێتەوە بۆ ساڵی 2013 کاتێ بۆ یەکەم جار توانی پشکی /50ی یانەکە بکڕێتەوە. کە دواتر لە ساڵی 2019 بەتەواوەتی هەموو پشکەکانی کڕیەوە.
بەگوێرەی نویترین زانیاریی رۆژنامەی تەلەگرافی ئینگلیز، خاوەنە خەلیجیەکە لەگەڵ ستیڤ رۆزنی ئەمریکی لە قۆناخی کۆتایی رێککەوتندان بۆ فرۆشتنی تەواوەتی شیفیڵد بەو کڕیارە ئەمریکیە.
ئەو سەرچاوەیە ئاشکراشی کردووە کە هەمووشت یەکلابووەتەوە و ئێستا رەزامەندی یەکێتی تۆپی پێی ئینگلتەرا ماوە بۆ تەواوکردنی پرۆسەکە.
تەلەگراف نرخی یانەکەی زانیووە و باس لەوە دەکەت خاوەندارە سعودیەکە بە بڕی زیاتر لە 100 ملیۆن پاوەند یانەکەی دەفرۆشێت.
یانەی شیفیڵد کە بە کۆنترین یانەی وەرزشی تۆپی پێ دادەنرێ لە مێژوودا، لە ساڵی 1857 دروستکراوە. ئێستا لە خولی چامپیۆنشیپی ئینگلیزی یاریی دەکات و دوای 14 هەفتە پلەی دووەمی وەرگرتووە و رکابەرێتیەک بەهێز دەکات بۆ گەڕانەوە بۆ پرێمەرلیگی وەرزی داهاتوو.
